Ni biʼniʼ Jesús

¿Xi rusiidiʼ ejemplu stiʼ Jesús laanu?

2. Pa iquíʼñenu diidxaʼ ni guiene binni, zietenaláʼdxicabe ni bisíʼdinu laacabe ne zindá ni ndaaniʼ ladxidóʼcabe.

 Yenanda ejemplu stiʼ Jesús

3. Cadi guiniʼluʼ stale. Cadi gusiéneluʼ estudiante stiluʼ guiráʼ ni nánnaluʼ de xiixa tema. Sínuque biquiiñeʼ información ni zeeda lu publicación ni cayuni estudiárneluʼ laabe. Ora gúniluʼ ti pregunta, guleza guicabi estudiante stiluʼ. Ne pa qué gánnabe xi guicábibe o cadi biaʼsi ni guicábibe la? zanda gúniluʼ laabe xcaadxi pregunta ti gánnabe xi peʼ guicábibe. Pa maʼ biénebe ni nuuluʼ gusiéneluʼ laabe ca la? maʼ zanda gúʼndatu ni raca seguir.

4. Biquiiñeʼ ni maca nanna estudiante stiluʼ para gacaneluʼ laabe guiénebe xcaadxi cosa. Pa chiguzulutu ti lección ni caníʼ de dxi guiasa ca binni ni maʼ guti, zanda guinabadiidxaluʼ estudiante stiluʼ xi nánnabe de tema ca.

5. Gulí xi ejemplu chiguiquiiñeluʼ. Ante iquiiñeluʼ ti ejemplu, guníʼ ique:

1.    «¿Ñee cadi nagana ejemplu riʼ la?».

2.   «¿Ñee casi zebe ziénebe ni la?».

3.   «¿Ñee zietenaláʼdxibe ni cusiidiʼ ni laabe la? o ejemplu si ni biquiiñeʼ nga zietenaláʼdxibe?».