Mannyè Jézi Té Moutwé Kouwaj

Kisa Nou Apwann Hòd Ègzanp Jézi?

2. Nou ni pou moutwé étidyan Bib nou lanmityé. Mé, nou osi ni pou palé épi yo fwanchman, pou édé yo wè sa yo ni pou fè pou yo sa kontiné pwofité an wilasyon yo épi Jéhova.

 Swiv Ègzanp Jézi

3. Édé étidyan Bib ou wè diféwan bagay i sa fè pou’y fè pwogwé, èk édé’y pou akonpli yo.

1.    Fè asiwé ou sèvi ti sèksyon-an “Mi Yonndé Bagay Ou Sa Fè,” ki an chak lison an liv-la Ou Sa Ni On Bon Lavi Pou Tout Tan!

2.   Édé étidyan Bib ou konpwann sa’y ni pou fè pou’y sa kontiné fè pwogwé.

3.   Toujou aplodi étidyan Bib ou pou pwogwé-a i ka fè.

4. Fè éfò-a pou konnèt sé bagay-la ki ka anpéché étidyan Bib ou fè pwogwé, èk édé’y pou ganyen a bout sé bagay sala. Mannyè ou sa fè sa:

1.    Mandé kò’w kèstyon tèl kon:

   • ‘Kisa ki ka anpéché étidyan Bib mwen fè pwogwé?’

   • ‘Kisa mwen sa fè pou édé’y?’

2.   Mandé Jéhova pou ba’w kouwaj-la pou diskité épi étidyan’w sa’y ni pou fè pou’y sa fè pwogwé. Mé chonjé pou palé épi étidyan’w adan an mannyè ki fwanch èk janti.

5. Doubout létid-la si étidyan-an pa ka fè pwogwé.

1.    Ou sa konnèt si étidyan-an ka fè pwogwé, si’w mandé kò’w kèstyon tèl kon:

   • ‘Ès étidyan mwen ka apliké sa’y ka apwann an lavi’y?’

   • ‘Ès i ka atandé sé mitin-lan, èk ès i ka patajé sa’y ka apwann épi lézòt moun?’

   • ‘Magwé étidyan Bib mwen ka étidyé pou an chay tan, ès i ni dézi-a pou vini an Témwen Jéhova?’

2.   Sa ou sa fè si étidyan-an pa vlé fè pwogwé:

   • Mandé’y pou katjilé asou sé bagay-la ki ka anpéché’y fè pwogwé.

   • Èspliké bay étidyan-an wézon-an ou ka doubout létid Bib-la. Mé fè sa adan an mannyè ki janti.

   • Fè’y konnèt sa’y ni pou fè si’y vlé étidyé Bib-la ankò.