JESUSAN DISCIPULOPÄPJJAÑAPATAK YANAPTʼAM
12 YATICHÄWI
Qhanwa sañasa
Bibliajj akham siwa: “Kunjamtï aceitesa inciensosa chuymar kusisiykejja, ukhamarakiw mä amigon taqe chuyma ewjjtʼatapajj kusisiyi” (Prov. 27:9).
Kunsa Jesusajj luräna
1. VIDEO uñtäta, jan ukajj Marcos 10:17-22 liytʼäta. Ukatsti, aka jisktʼanakaruw qhanañchtʼäta:
¿Kunsa Jesusat yateqassna?
2. Yateqerisan nayrar sartañap munstan ukhajja, munasiñampi ukat jan ajjsartʼasaw qhan sañasa.
Jesusat yateqasim
3. Kunanaksa luraspa uk amtañapataki ukat uk jikjjatañapatakiw yanaptʼañama.
-
¡Wiñayatakiw kusisit jakasisma! sat libron “Ak lurañ amtam” sat recuadrow sapa yatichäwin utji, ukampiw yanaptʼasiñama.
-
Yateqerimajj kuna amtanaksa jichpachasa, jan ukajj qhepatsa phoqañ muni uk jikjjatañatakejj kunanaksa luraspa ukatakiw yanaptʼañama.
4. Yateqerimarojj kunanakas nayrar sartañapatak jarkʼi uk yatjjatam, ukat ukanak atipjañapatak yanaptʼam.
-
-
“Yateqerijatï bautisasiñatak jan chʼamachaskchi ukhajja, ¿kunas jarkʼpacha?”.
-
“¿Kunsa yanaptʼañatakejj lurirista?”.
-
-
Yateqerimajj nayrar sartaskakiñapatakejj kunsa lurañapa uk munasiñampi ukat qhan sañatakejj Jehová Diosaruw yanaptʼa mayisiñama.
5. Yateqerimatï nayrar sartañatak jan chʼamachaskchi ukhajj jaytjjañamawa.
-
Bibliat yatichaskakiñamati janicha uk yatiñatakejj akham jisktʼasim:
-
“¿Kuntï yateqki ukarjam lurañatak chʼamachasiti?”.
-
“¿Tantachäwinakar sariti, yaqhanakarojj kunatï cheqäki uka toqet parliti?”.
-
“Jupatï mä qhawqha tiempo Bibliat yatjjatjjchi ukhajja, ¿Jehová Diosan Testigopäñ muniti?”.
-
-
Yateqerimatï nayrar jan sartkchi ukhajj akanakwa lurasma:
-
Kunas nayrar sartañapatakejj jarkʼi uk amuytʼasiñapatak chʼamañchtʼam.
-
Kunatsa Bibliat jan yatichjjäta uk suma arunakamp qhanañchtʼam.
-
Jupatï jutïrin Bibliat wasitampi yatjjatañ munaspa ukhajja, kuna cambionak lurañapas wakisi uk qhanwa sañama.
-