YILHA BÔT BANIGIL
YIGIL 12
Ñem ngui
Litiñ: “Môô ni binjinjiñ bi nkônha ñem maséé; hala ki nyen maéba malam ma mboñ le mut a kôhna bañga liwanda.”—Bingéngén 27:9.
Kii Yésu a bi boñ
1. Béñge VIDÉÔ, tole añ Markô 10:17-22. I mbus, timbhe mambadga mana:
Kii ndémbél i Yésu i niiga bés?
2. Inyu hôla i bôt bés ni bo di nigil i hol i pes i mbuu, di nlama kwélés bo ni gwéha, ndi di kalak bo maliga.
Kôna Yésu
3. Hôla nnigil Bibel i bana njômbi ni i yônôs yo.
-
Gwélél i homa nunu le “jam u nla boñ” munu kaat yés le Niñ ilam i boga ni boga!
-
Hôla nnigil i yi i mam a nla yônôs nano, ni ma a ga yônôs i dilo di nlo.
4. Yimbe i mam ma nla kéñ nye i hol, i mbus, u hôla ki nye i yémbél mo.
-
-
‘Ibale nnigil Bibel a nhol bé ikepam i sôble, kii i yé njom?’
-
‘Kii me nla boñ inyu hôla nye?’
-
-
Soohe inyu bana ñem ngui i kal nye i yom a nlama héñha, u boñ ki hala ni gwéha.
5. Téé gwigil bi bi nhol bé.
-
Yéñ yi too nnigil Bibel a yé i hol, ni mana mambadga:
-
‘Baa nnigil Bibel a mbii i mam a nigil i bisélél?’
-
‘Baa a nlo i makoda, a añlege ki bôt i yom a nigil?’
-
‘Ibale a nigil nano a yé ntandaa ngéda, baa a gwé ngôñ i yila Mbôgi Yéhôva?’
-
-
-
Bat nye inyuki yigil yé i nhol bé.
-
Ibabé i babaa nye, toñle nye inyuki u ngwés téé yigil.
-
Kal nye i mam a nlama boñ inyu hol, kayéle ni témb ni bôdôl nigil.
-