UKULENGA ABANTU BABA ABASAMBI
ISAMBILILO 12
Ukushipa
Ishinte lye funde: “Filya amafuta ne fyanunkila filenga umutima ukusekelela, e fyawama no kufunda kwa kwa cibusa ukwa kufuma pa nshi ya mutima.”—Amapi. 27:9.
Ifyo Yesu Acitile
1. Tambeni VIDIO, nelyo belengeni Marko 10:17-22. Lyena lanshanyeni amepusho yakonkapo:
Finshi Tulesambilila Kuli Yesu?
2. Tulingile ukuba no kutemwa ilyo tulelanda na basambi besu, lelo tatulingile ukulabapita mu mbali pa kubeba umo balingile ukwaluka pa kuti batwalilile ukuba ifibusa fya kwa Yehova.
Mulepashanya Yesu
3. Muleafwa abasambi benu ukufikilisha ifyo bapanga ukucita.
-
Mulebomfya apatila “Ifyo Mwingacita” mu citabo citila Kuti Mwaba ne Nsansa Umuyayaya!
-
Mulelenga umusambi wenu aishiba ifyo alingile ukucita pa kuti akafishepo fyonse ifyo apanga ukucita.
4. Muleishiba ifilelenga umusambi wenu elalunduluka kabili mulemwafwa.
-
-
‘Bushe cinshi cilelenga umusambi wandi ukukanapingulapo ukubatishiwa?’
-
‘Finshi ningacita pa kumwafwa?’
-
-
Mulelomba Lesa ukuti alemwafwa pa kuti mulelanshanya bwino no musambi wenu ukwabula ukumupita mu mbali pa fyo alingile ukucita.
5. Muleleka ukusambilila no musambi nga talelunduluka.
-
Nga mulefwaya ukwishiba umusambi nga alelunduluka yipusheni amuti:
-
‘Bushe umusambi wandi alacita ifyo asambilila?’
-
‘Bushe alasangwa mu kulongana no kwebako bambi ifyo asambilila?’
-
‘Pa numa ya kusambilila nankwe pa nshita iitali, bushe alafwaya ukuba Inte ya kwa Yehova?’
-
-
Nga ca kuti umusambi talelunduluka:
-
Mwebeni ukutontonkanya pa fintu ifilelenga ukuti elalunduluka.
-
Mwebeni ukwabula ukumukalifya ukuti mwalaleka ukusambilila nankwe Baibo.
-
Mwebeni pa fyo alingile ukubombelapo nga ca kuti alefwaya mukatendeke ukusambilila na kabili ku ntanshi.
-
