Yesu ye min kɛ

Yesu ka misali bɛ an kalan mun de la?

2. An ka kan ka kuma an ka kalandenw fɛ ni kanuya ye, nka an ka o kɛ ni kɔnɔnajɛya ye walisa k’u dɛmɛ u ka ɲɛtaaw kɛ alako ta fan fɛ.

 Yesu ladege

3. I ka kalanden dɛmɛ a ka kuntilennaw sigi a yɛrɛ la ani ka u dafa.

1.   Baara kɛ ni “A ɲini ka nin kɛ” yɔrɔw ye, minnu bɛ Ɲɛnamaya kɛ nisɔndiya la fo badaa! gafe kalansenw bɛɛ kɔnɔ.

2. I ka kalanden dɛmɛ a k’a dɔn a ka kan ka fɛn minnu kɛ walisa ka a ka kuntilenna kuntagala surunw ani kuntagalajanw dafa.

3.   I ka kalanden fo tuma bɛɛ a ka ɲɛtaaw kosɔn.

4. A ɲini k’a dɔn gɛlɛya minnu bɛ ka i ka kalanden bali ka ɲɛtaaw kɛ ani i k’a dɛmɛ a ka se sɔrɔ u kan.

1.    I yɛrɛ ɲininka:

   • ‘Ni ne ka kalanden tɛ ka ɲɛtaaw kɛ walisa ka batise, mun de bɛ k’a bali?’

   • ‘Ne bɛ se ka dɛmɛ jɔnjɔn jumɛn de lase a ma?’

2.   Delili kɛ walisa ka jagɛlɛya sɔrɔ ka kuma ni kɔnɔnajɛya ani kanuya ye i ka kalanden fɛ fɛnw kan a ka kan ka minnu kɛ.

5. Kalanden minnu tɛ ɲɛtaaw kɛ, olu ka kalanw jɔ.

1.    Ɲininkali ninnu kɛ i yɛrɛ la walisa k’a lajɛ ni i ka Bibulukalanden bɛ ka ɲɛtaaw kɛ:

   • ‘Yala ne ka kalanden bɛ ka a ka fɛn kalantaw waleya wa?’

   • ‘Yala a bɛ lajɛw taali matarafa ani ka tiɲɛ kofɔ tɔw ye wa?’

   • ‘An kɛlen kɔ ka kalan kɛ nin waatijan kɔnɔ, yala a b’a fɛ ka kɛ Jehova Seere ye wa?’

2.   Ni Bibulukalanden t’a fɛ ka ɲɛtaaw kɛ:

   • A ɲini a fɛ a k’a hakili jagabɔ fɛnw kan minnu bɛ ka a bali ka ɲɛtaaw kɛ.

   • Kun min na i bɛ a ka kalan jɔ, o ɲɛfɔ a ye ni bonya ye.

   • A jira a la a ka kan ka ɲɛtaa minnu kɛ n’a b’a fɛ Bibulukalan ka kɛ a kun tuguni.