NYƆ ƁÈ ÐEÍN-NÀ-NYƆ̀ MÚ-NYU-NYU
CƐ̃́Ɛ́-ÐƐ̀ 12
Fã̀à Wɔ̃-Zi-Zi
Hwìè-da-zàìn-wùɖù: “Nyɔ́ún-nɔ̀mɔ̀-cànàà dú kò-kò ɓè nyuɛ ké nyɔ hwòɖò kpá múàùn. Kà dyúáɖòɔ̀ kàà náún-po-wùɖù sɛ́ɖɛ́ìn dyí sɔ̀ìn ɓàto gboɛɛ jè nyu nìɛ̀.”—Nɔ́ɔ́ 27:9.
Ðɛ Jízɛ̀ Nyu Ma Kɛ
1. Dyé VÍÐÒƆ̀ dyi, mɔɔ zà Máà 10:17-22 wuɖuún. Nìí, poìn dyi-diè-ɖɛ̀ ɓè kɔà ɓó dyíɛɛ jè hwìɖìi:
Ðɛ́ À Cɛ̃́ Jízɛ̀ Xwaún Wɛ̃́?
2. À kɔ̃̀ à ké wùɖù ɖé ɖɛ̀ɓɛ̀ìn-ɖɛ̀ɓɛ̀ìn mú, kɛɛ à mɛ cɛ̃ à ɖɛ-cɛ̃́-nyɔ̀ ɓèɔ̀ jàà gbo, ɓɛ́ à ké wa gbo kpá, ɓɛ́ wa ké dyúa mu ɖé zùùɔ̀ wáká kɔ̃.
Sí Jízɛ̀ Ɓo-Bɛ̃̀ìn
3. Kpá nì ɖɛ-cɛ̃́-nyɔ̀ɔ̀ gbo, ɓɛ́ ɔ ké ɖɛ ɓè dyí sɔ́, ɓɛ́ ɔ ké wa nyu.
-
Nyùìn “Dyí-Sɔ́-Ðɛ̀” wáká nìà cɛ̃́ɛ́-ɖɛ̀ ɖò-ɖò mú ɖé Kpáìn Fɛ̀ɛ̀ Múàùn Dyi Ɓó Sè-Ná-Sèɛ̀ Tiín! múɛɛ kũ̀à mú.
-
Kpá nì ɖɛ-cɛ̃́-nyɔ̀ɔ̀ gbo, ɓɛ́ ɔ ké ɖɛ jɛ́ɛ́ ɓè ɔ kɔ̃̀ ɔ ké nyuɛɛ múin wɔ̃́, ɓɛ́ ɔ ké dyí-sɔ́-ɖɛ̀ ɓè xwɛ̃́ìn dyiɛ kè ɔ nyɔ ɓè tɔ̀mɔ̀ gboɛ nyuɛ ɓɛ́ìn.
4. Dyuò dyí-gbò-ɖɛ̀ ɓè kpɔ̃ dyúa-mu-mu dyiɛɛ dyí, ɓɛ́ m̀ ké nì ɖɛ-cɛ̃́-nyɔ̀ɔ̀ gbo kpá, ɓɛ́ ɔ ké wa wɔ̃ zi.
-
-
‘Ɔ jù ké ní ɖɛ-cɛ̃́-nyɔ̀ɔ̀ se dyúa muɛń nì, ɓɛ́ ɔ ké níɔ kpá ní, nìí, ɖɛ́ nì ɔ dyi kpɔ̃uń wɛ̃́?’
-
‘Ðɛ́ mɔ̀ gbo-kpá-sɔ̃̀ ɓɛ́ ḿ ɓɛ́ìn tòɛ̀ kɛ́?’
-
-
Ɓaà ɓɛ́ m̀ ké fã̀à wɔ̃ zi, ɓɛ́ m̀ kè nì ɖɛ-cɛ̃́-nyɔ̀ɔ̀ ké ɖɛ ɔ kɔ̃̀ ɔ ké nyuɛɛ dɔ́ɔ́ kɔ̃in dèìn wáɖáá ɖé ɖɛ̀ɓɛ̀ìn-ɖɛ̀ɓɛ̀ìn mú.
5. Po ɖɛ-cɛ̃́-cɛ̃́ se dyúa muɛń nìɛɛ ɓɔ́í.
-
Dyuòɛ̀ kɛbì nì Baɓo-cɛ̃́-nyɔ̀ɔ̀ nì dyúa muɛń ní, dyììn ɖé m̀ mìɔùn dyi-diè-diè mú:
-
‘Ní ɖɛ-cɛ̃́-nyɔ̀ɔ̀ nì ɖɛ ɔ nìà cɛ̃́iń nyɛɛ kũ̀à gbo poɛńǹ?’
-
‘Ɔ mu dyí-poìn-poìn ɓèɔ̀ múù, ké ɔ cɛ̃ jààɔ̀ jè nyɔ tɔ̀ɔ̀ ɓè gboò?’
-
‘Kà ɔ ɖàà ɖɛ cɛ̃́iń hwèɖèìn nyɛɛ, ɔ mɔ́ Jɛhova Zàse ɓèɔ̀ ɖò jùɛ dyiì?’
-
-
Ɔ jù ké Baɓo-cɛ̃́-nyɔ̀ ɖò se mɔ́ ɔ ké dyúa mu ní:
-
Diè ɔ dyi ɖɛ nì ɔ dyi kpɔ̃uń wɛ̃.
-
Cɛ̃ɛ ɔ gbo sɛ́ɖɛ́-kà ɖɛ kɔ̃̀ jè m̀ nìà ɖɛ-cɛ̃́-cɛ̃́ɔ̀ ɓɔ́í poɛń nyɛ.
-
Cɛ̃ɛ ɔ gbo ɖɛ ɔ kɔ̃̀ ɔ ké nyu, hwɛ̀ ɓè ké ɖɛ-cɛ̃́-cɛ̃́ɔ̀ dyí ɖú ɖeɛ.
-
