Kai si Ilakoken Jesus?

Kai Pelajarenna?

2. Gelah kalak si erlajar Pustaka ras kita banci erban kemajun rohani, perlu kita ngerana man kalak e alu perkeleng, tapi terus terang.

 Usihlah Jesus

3. Sampati kalak si erlajar Pustaka erban cita-cita rohani ras ndatkenca.

1.    Gunaken bagin “Cuba Lakoken Enda” bas tiap pelajaren si lit bas buku Ermeriah Ukur Seh Rasa Lalap!

2.   Sampati ia meteh uga ia banci ndatken cita-cita jangka pendek ras jangka panjang.

3.   Rusurlah puji kemajun si enggo ibanna.

4. Sungkunilah kai si erban mesera kapna maju secara rohani, janah sampati ia ngadapisa.

1.    Ukurilah penungkunen enda:

   • ‘Kai nge si erban ia la maju secara rohani ras lenga iperidiken?’

   • ‘Uga nge caraku nampati ia?’

2.   Ertotolah gelah banci nasehatindu ia alu perkeleng, tapi terus terang.

5. Adi la ibanna kemajun, ngadilah kena erlajar.

1.    Guna meteh iban kalak si erlajar Pustaka kemajun ntah lang, ukurilah penungkunen enda:

   • ‘Idalankenna nge kai si ipelajarina?’

   • ‘Enggo nge ia ikut perpulungen ras ceritakenna kai si ipelajarina?’

   • ‘Kenca erlajar piga-piga waktu, nggit nge ia jadi Saksi Jahwe?’

2.   Adi la banna kemajun:

   • Sungkuni kai masalahna.

   • Jelasken alu mehuli engkai maka pengadindu erlajar Pustaka ras ia.

   • Kataken kai si perlu lakokenna gelah banci ia mulihi erlajar Pustaka ras kam.