Jame Yésus a nga bo

Éve’ela Yésus ja ye’ele bia jé?

2. É ne été na bia yiane liti bôte bia be be bia yé’é nye’an, ve bia yiane fe kate be ne sañesañe mame ba yiane bo asu na be tu’a subu Yéhôva bebé.

 Bo’o ane Yésus

3. Volô’ô môte mia nye mia yé’é na a bi minsôñan a tôé mie.

1.    Bela’ane nlô ajô ô ne na, “Jôm ô ne bo” ayé’é ése ya kalate Bu’uban ényiñ nnôm éto!

2.   Volô’ô môte mia nye mia yé’é na a yeme mam a yiane bo asu na a tôé bone minsôñan a beta minsôñan.

3.   Bo’o mbane ya se’e nye éyoñ a tôé nsôñan éziñ.

4. Yeme’e minju’u mia bo na, môte mia nye mia yé’é a kate tôé nsôñan éziñ, volô’ô fe nye na a dañe mie.

1.    Sili’i womiene na:

   • ‘Jé ja bo na môte bia nye bia yé’é a kate duban?’

   • ‘Jé me ne bo asu na me volô nye?’

2.   Ye’ela’an asu na ô bi ayo’o nlem a te ko woñe ya kate nye mam a yiane bo.

5. Te ke ôsu a bo meyé’é ma wume ki bibuma.

1.    Womien ô ne yeme nge ayé’é éziñe da wume bibuma nge momo. Sili’i womiene na:

   • ‘Ye môte bia nye bia yé’é a tôñe mam a yé’é?’

   • ‘Ye a tabe bisulan, ye a kañete bôte bevo’o benya mejôô?’

   • ‘Nge a yé’éya abim éyoñ éziñ, ye a kômbô bo mone Ngaa Yéhôva?’

2.   Nge môte mia nye mia yé’é a yaé ki nsisim:

   • Kate’e nye na a fase mame ma bo na a bo teke yaé nsisim.

   • Kate’e nye évôvoé été amu jé wo zu telé ayé’é dé.

   • Kate’e nye mam a yiane bo asu na mi beta taté ayé’é.