Ri xuʼän Jesús

¿Achkë nqatamaj qa chrij Jesús?

2. Tapeʼ nkʼatzin nqakʼüt chë nqjowan, nkʼatzin chqä nqaʼij chkë qatijoxelaʼ achkë nkʼatzin nkiʼän rchë nkʼuqeʼ pä kikʼuʼx pa ruchʼaʼäl Dios.

 Takʼamaʼ anaʼoj chrij Jesús

3. Tatoʼ atijoxel rchë kʼo nuyaʼ chwäch nuʼän.

1.    Taksaj ri recuadro «Ütz naʼän reʼ» ri kʼo pä chkipan ri tjonïk ri ye kʼo chpan ri wuj Nawajoʼ rït yakʼaseʼ.

2.   Tatoʼ atijoxel rchë nutamaj achkë nkʼatzin nuʼän rchë nusmajij ri xtyaʼ chwäch nuʼän.

3.   Chaq taqïl taʼij che rä atijoxel chë kiʼ akʼuʼx rkʼë rma najin nusmajij ri najin nutamaj.

4. Tatzʼetaʼ achkë nbʼanö chë ri atijoxel ma nusmajij ta ri nutamaj y tatoʼ chkiwäch ri kʼayewal riʼ.

1.    Taquʼ reʼ:

   • «We ri ntijoxel ma najin ta nuʼän ri najowatäj rchë nqasäx pa yaʼ, ¿achkë najin nqʼatö rchë?».

   • «¿Achkë rubʼanik ntoʼ?».

2.   Taʼij che rä Jehová chë katurtoʼ rchë ma naxiʼij ta awiʼ naʼij che rä atijoxel achkë nkʼatzin nuʼän rchë nkowïr rukʼuqbʼäl kʼuʼx.

5. Ma tatjoj ta chik jun winäq we ma nusmajij ta ri nutamaj.

1.    Rchë natamaj we kʼa ütz na natjoj jun winäq, taquʼ rij reʼ:

   • «¿Nusmajij ri najin nutamaj?».

   • «¿Nbʼä pa qamoloj chqä nutzjoj chkë ri nkʼaj chik ri najin nutamaj?».

   • «We ojer chik bʼaʼ najin nayaʼ rutjonik, ¿kan nrajoʼ ntok testigo de Jehová?».

2.   We ri tijoxel ma najin ta nusmajij ri najin nutamaj:

   • Taʼij che rä chë ttzʼetaʼ achkë najin nqʼatö rchë.

   • Kan pa rubʼeyal taʼij che rä achkë rma ma xtatjoj ta chik chrij le Biblia.

   • Taʼij che rä achkë nkʼatzin nujäl pa rukʼaslemal we nrajoʼ nutjoj na chik riʼ chrij le Biblia.