ZULTU SITERNAK
CAWN DINGMI 12
Hlangfang Tein Chim
Baibal Phunglam: “Chimhringtu a fimmi cu, a bia ngaih a duhmi caah cun, Sui kutdonghrolh le sui hlawn bantuk a si.”—Ptb. 25:12.
Jesuh Nih Zeidah A Tuah?
1. VIDEO kha zoh asiloah Marka 10:17-22 rel. Cun a tanglei biahalnak hna hi i ruah u:
Jesuh Sinin Zeidah Kan Cawn Khawh?
2. Baibal kan cawnpiakmi kha thlaraulei a ṭhancho nakhnga bawmh awkah dawtnak he cawnpiak lawng si loin hlangfang te zong in chimh a hau.
Jesuh Kha I Zohchunh
3. Baibal na cawnpiakmi kha hmuitinh chiah awk le phanh awkah bawm.
-
Nunnak Kha Zungzal In I Nuamhpi! timi cauk cawn dingmi kip ah a ummi “Hmuitinh” timi kha hmang.
-
Baibal na cawnpiakmi kha caan tawi hmuitinh le caan sau hmuitinh phanh awkah a tuah awk a simi kehlan hna kha hngalhthiam awkah bawm.
-
Baibal na cawnpiakmi kha a ṭhanchomi caah hmaan tein thangṭhat.
4. Ṭhancho awkah a dawnkhantu thil kha hngalh awkah i zuam law mah kha a tei nakhnga Baibal na cawnpiakmi kha bawm.
-
-
‘Baibal ka cawnpiakmi cu tipil in awkah a ṭhancho lo ahcun a dawnkhantu thil cu zeidah a si?’
-
‘Amah bawmh awkah zeidah ka tuah khawh?’
-
-
Baibal na cawnpiakmi nih a tuah a herhmi kong kha dawtnak le hlangfang tein i ruahceihṭi awkah ralṭhatnak na ngeih nakhnga thlacam.
5. Baibal na cawnpiakmi cu a ṭhancho lo ahcun ngol.
-
Hitin naa halnak thawng in Baibal na cawnpiakmi a ṭhancho le ṭhancho lo kha na hngalh khawh:
-
‘Baibal ka cawnpiakmi nih a cawnmi ning in a zul maw?’
-
‘Khrihfabu pumhnak ah aa pum maw, midang sinah biatak kong tah a chim maw?’
-
‘Caan cheukhat chung Baibal a hlathlai hnuah Jehovah Tehte pakhat si a duh maw?’
-
-
Baibal na cawnpiakmi nih ṭhancho a duh lo ahcun:
-
Ṭhancho lo awkah zeinihdah a dawnhkhanh timi kong kha ruah awkah fial.
-
Baibal cawnpiaknak na ngolnak a ruang kha fimkhur tein chim.
-
Baibal cawn a duh ṭhan ahcun zeidah a tuah a hau ti kha hngalhter.
-
MAH BAIBAL CAANG ZONG HI ZOH
Salm 141:5; Ptb. 27:6, 9; 1 Kor. 9:26; Kol. 4:5, 6