Pë ˈö Yesu ˗ya ˗kë

˗Gleŋ ˗mɛɛn ˈö Yesu ˗ya ˗da kwa ˗bha?

2. Kwa dua ˗mü kö ˈkwa ˗dhɔ ˗zɔn kwa ˗bha Biblö ꞊klaŋ ˗nu ˗dhɛ. ˈˈKɛɛ kwa dua ˗mü ˈpö kö pë ˈö ˈwo dho ˗a kë kö ˗an ˗gɛn ˗yö ˈdho ˈˈdhiʋ̈ Zoova ˗bha ʒian ˗ta, ˈkwa˗ pö ˗an ˗dhɛ ˈˈpuu ˈka.

 ˗Kwa ʒiö Yesu ˗bha ˈwɔnzuan ˈˈpiʋ̈

3. ˗Kwa kwa ˗bha Biblö ꞊klaŋ ˗nu ˗takun kö ˗wo pë ˈbha ˗nu kë ˗sü ˗ya wo ˗zo ˈˈpiʋ̈.

1.    ˗Kwa yö kë Zuʋ̈gblüdhi ꞊slɔɔ ˗toëpö ˈka! ˈˈpian ˈö ˗kë «Pë ˈü ˗dho ˗a kë˗» ˈka bhë, ˗a ˈka. ˗Yö ˈsëëdhɛ ˈö bhë ˗a ˈwɔn ˗gɔ ꞊gban ˈgü.

2.   ˗Kwa kwa ˗bha Biblö ꞊klaŋ ˗nu ˗takun kö ˈpë ˈwo ˗dho ˗a kë kö ˗an ˗kɔ ˗yö ꞊mɔɔn ˈwɔn ˈbha ˗nu kë ˗sü ˗bha ˈˈtʋ̈ŋ ˈklöö˗ ɛɛnˈˈ ˈˈtʋ̈ŋ ꞊gblɛɛn ˈˈpiʋ̈, ˗wo ˗an dɔ ˗së ˈka.

3.   ˗An ˗gɛn ˈö ˈdho ˗ni ˈgü ˈˈdhiʋ̈, ˗kwa ˗an ˈˈnuɛ bho ˗së ˈka.

4. Pë ˗nu ˈö ˈwo ꞊mɔɔn˗ ˗bha ˈwo ˗an ˗gɛn to ꞊taabha, ˗kwa ˗an dɔ kö ˈkwa ˗an ˗takun kö ˗wo ˗an ˈˈɲan bhɔ.

1.    ˗Kwa kwa ˗de dhɛɛˈˈ ˈkpɔ:

   • ‹ˈMën ˗kë ˈö n ˗man Biblö ꞊klaŋnën ˗gɛn ˈyaa ˈdho ˗ni ˈgü ˈˈdhiʋ̈ kö ˗yö bɔ ˈˈyi ꞊bhaa?›

   • ‹˗Mën ˈa ꞊mɔɔn˗ ˗bha ˈa˗ ˗kë kö ˈa˗ ˗takun?›

2.   ˗Kwa bhɛɛˈˈ kö ˗Zlan ˗yö ꞊faan nu kwa ˗dhɛ kö pë ˈö kwa ˗bha Biblö ꞊klaŋnën dua ˈdhö ˗mü kö ˗ya kë, ˈkwa˗ pö ˗a ˗dhɛ ˈˈpuu ˈka, ˗dhɔ ˈgü.

5. Kwa ˗bha Biblö ꞊klaŋ ˗gɛn ˈyaa ˈdho ˗ni ˈgü ˈˈdhiʋ̈ toŋtoŋdhö, ˗kwaa ˗bha Biblö ꞊klaŋ ˈduannu.

1.    ˗Kwa dhɛɛˈˈ ˗nu ˈö ˈwo yö ˗an ˈkpɔ kwa ˗de ˗gɔ kö ꞊ya kë ꞊dhɛ kwa ˗bha Biblö ꞊klaŋ ˗gɛn ˈö ˈdho ˗ni ˈgü ˈˈdhiʋ̈, ˈkwa˗ ˈwɔn dɔ:

   • ‹N ˗man Biblö ꞊klaŋ ˗yö pë ˈö˗ draanˈˈ ˗ni ˈgü, ˗a ˗ya ˗ni ˈgü ꞊bhlëë ˈgü ˗ee?›

   • ‹˗Yö ˗nu ˗bhɔkwëë ˗nu ˗ta ˈö ˗zlanwopö mɛn ˈˈwɛɛ ˗nu ˗dhɛ ˗ee?›

   • ‹꞊Ya kë ꞊dhɛ ˈö ˗ya Biblö draansü ˗bha ˗a yi ꞊ya ꞊gwëë, ˗ya ˈˈpiʋ̈ ˈö kë Zoova ˗bha ꞊Gbɛkiö do ˈka ˗ee?›

2.   ꞊Ya kë ꞊dhɛ kwa ˗bha Biblö ꞊klaŋnën ˗gɛn ˈyaa ˈˈwɩ˗ ˗bha kö ˗yö ˈdho ˈˈdhiʋ̈:

   • ˗Kwaa dhɛɛˈˈ ˈkpɔ ˈmën ˗kë ˈö˗ ˗gɛn ˈyaa ˈdho ˈˈdhiʋ̈.

   • ˈPë ˗kë ˈkwa ˗dho ˗a ˗bha Biblö ꞊klaŋ ˈduannu, ˗kwaa pö ˗dhɛ ˈˈnɛɛnnɛn ˈka.

   • ꞊Ya kë ꞊dhɛ ˈö˗ ˈˈpiʋ̈ kö ˈkwa nu ˗a ꞊klaŋ kë ˈzü, pë ˈö˗ dua ˈdhö ˗mü kö ˗ya kë, ˗kwaa blɛɛˈˈ ˗a ˗dhɛ ˈˈpuu ˈka kö ˈkwa ꞊tun ˗a ˗bha ꞊klaŋ züdɔ ˗ni ˈgü ˗dɛɛwo.