Fa Yesesi du a sani ya?

Saw sa leli fu Yesesi?

2. U mu taki switi anga a sutudi fu u, ma wa mu feele fu soi en san a mu du fu go a fesi.

 Du sani enke Yesesi

3. Yeepi a sutudi fii fu poti maiki, yeepi en fu doo den maiki fi en tu.

1.    Wooko anga a pisi di den e kai ‘Puubei a sani ya’ di de aini a I sa piisii fu teego! buku.

2.   Yeepi a sutudi fu si san a sa du fu doo den pikin maiki di a poti anga den gaanwan.

3.   Ya mu feegete fu gafa a sutudi fii tei si fa ai gwa fesi.

4. Meke moiti fu sabi sai tapu a sutudi fu gwa fesi, dai yeepi en.

1.    Akisi iseefi taki:

   • ‘Sai tapu a sutudi fu mi fu dopu?’

   • ‘Fa mi sa yeepi en?’

2.   Begi Yehofa fu a yeepi i fu soi a sutudi fii kiin san a mu du fu go a fesi. Begi en tu fu a yeepi i fu taki switi anga en.

5. Tapu a sutudi anga wan sama di nai gwa fesi.

1.    Efii wani sabi efu a sutudi fii e gwa fesi, akisi iseefi den sani ya:

   • ‘A sutudi fu mi e wooko anga den sani di ai leli?’

   • ‘Ai kon a komakandaa? Ai paati san a leli anga taawan?’

   • ‘Te mi luku a pisiten di u sutudeli Beibel kaba, a wani toon wan Yehofa Kotoigi tuutuu?’

2.   Efu wan sutudi fii nai gwa fesi:

   • Akisi en fu a sidon pakisei sai tapu en fu gwa fesi.

   • Taki switi anga en te ye soi en saide i naw sutudeli anga en moo.

   • Soi en san a mu du efu a wani u bigin a sutudi baka.