NE̱NI TIMBISE̱ BATO BOKWEDI
BELĒDI 12
Ngiń’a mulema
Bete̱sedi: “Jo̱ki n’enumb’a pwe̱pwe̱ ba mabwese̱ mulema muńe̱nge̱, nika nde malea ma mbale̱ ma diko̱m ma ńe̱nge̱ńno̱.”—Min. 27:9.
Nje Yesu a bolino̱
1. Ombwa SINIMA, to̱so̱ langa Marko 10:17-22. Denge̱ o madutea ońola myuedi mi mabupe̱:
Nje di mokwano̱ na Yesu e?
2. Jangame̱n to̱ndo̱ bokwe̱ Bibe̱l, nde jangame̱n pe̱ langwea babo̱ ná bwē nje bangame̱nno̱ bola ná ba bate sisea be̱be̱ na Yehova.
Embilane̱ Yesu
3. Ongwane̱ mokwe̱ Bibe̱l o te̱se̱ mambo ma bola na po̱le̱ pe̱ mo̱.
-
Bolane̱ to̱ti “Bola din” le o jokwa te̱ la kalati Be̱ne̱ longe̱ le bonam o bwindea!
-
Ongwane̱ mokwe̱ Bibe̱l o so̱ṅtane̱ matanga ma tobotobo mō̱ angame̱nno̱ po̱ngo̱ ná a tongwe̱le̱ mambo a te̱se̱no̱ o po̱le̱, ombusa ponda to̱ ininga, na ombusa pond’a bwaba.
4. Wasa bia mikidi mi meke̱ mo̱ o ńaka, wongwane̱ pe̱ mo̱ o buka mo̱.
-
-
‘Nje e meke̱ mūt’am ńa jokwa la Bibe̱l o ńaka nate̱na o dubise̱ e?’
-
‘Nje neno̱ ná na bola o jongwane̱ mo̱ e?’
-
-
Kane̱ ná o be̱ne̱ ngiń’a mulema o langwea mo̱ ná bwē, nde na ndolo pe̱ nje angame̱nno̱ bola.
5. We̱le̱ su o mokwa ma Bibe̱l ma si mańake̱.
-
Ná o bie nga mokwe̱ Bibe̱l e o ńaka, baise̱ wame̱ne̱ ná:
-
‘Mo̱ mokwe̱ Bibe̱l e o we̱le̱ o ebolo nje eno̱ jokwa e?’
-
‘Mo̱ e o jukea o ndongame̱n na langwea pe̱ bape̱pe̱ nje eno̱ jokwa e?’
-
‘Yete̱na ye etum a ponda eno̱ o jokwa, mo̱ e o pula be̱ Mboṅ a Yehova e?’
-
-
Yete̱na mokwe̱ Bibe̱l a titi o pula ńaka:
-
Baise̱ mo̱ ná a duteye nje ye o jeke̱ mo̱ o ńaka.
-
Teleye̱ mo̱ na muyao ońola nje weno̱ we̱le̱ su o jokwa lao.
-
Bola mo̱ ná a so̱ṅtane̱ nje angame̱nno̱ bola obiana lo mabotea pe̱te̱ jokwa.
-