VUKEI IRA MERA TISAIPELI
LESONI 12
Mo Yaloqaqa
iVakavuvuli Vakaivolatabu: “Na waiwai kei na ka boivinaka e vakamarautaka na lomada, e vaka kina na kamica ni veitokani e yavutaki ena ivakasala vinaka.”—Vkai. 27:9.
Ka e Cakava o Jisu
1. Sarava na VIDIO, se wilika Marika 10:17-22, qai sauma na taro qo:
Na Cava Eda Vulica Vei Jisu?
2. Me rawa nira toso vinaka vakayalo noda gonevuli, e bibi meda vosa vakayalololoma, vakadodonu tale ga.
Vakatotomuri Jisu
3. Vukei nomu gonevuli me dua nona isausau, me rawata tale ga.
-
Vakayagataka na kato “iSausau” ena lesoni yadua ni ivola Marau me Tawamudu!
-
Vukei nomu gonevuli me kila na ka me cakava, me rawata kina nona isausau lalai kei na isausau lelevu.
4. Kila na ka ena vakadredretaka nona toso, qai vukei koya ena ka me cakava kina.
-
-
‘Ke sega ni toso tiko o noqu gonevuli me papitaiso, na cava e tarovi koya tiko?’
-
‘Au na vukei koya vakacava?’
-
-
Kerea vei Jiova na yaloqaqa mo vosa vakadodonu vei nomu gonevuli, vakayalololoma tale ga ena ka me cakava.
5. Tinia na vuli e sega ni toso.
-
Taroga qo mo kila ke toso tiko nomu vuli iVolatabu:
-
‘Sa muria tiko o noqu gonevuli na ka e vulica?’
-
‘E dau tiko ena soqoni, e dau wasea tale ga na ka dina vei ira eso tale?’
-
‘Ke sa dede tiko nona vuli, vakacava e vinakata me dua na iVakadinadina i Jiova?’
-
-
Ke sega ni via toso o gonevuli:
-
Tarogi koya se cava e tarova na nona toso.
-
Tukuna vakavinaka vua na vuna sa na cegu kina na vuli.
-
Tukuna vua na veisau e dodonu me cakava ke via tomana tale nona vuli.
-
