Nɔ Ni Yesu Fee

Mɛni Wɔkaseɔ Yɛ Nɔ Ni Yesu Fee Lɛ Mli?

2. Esa akɛ wɔhã wɔ-Biblia mli nikaselɔ lɛ ana akɛ wɔsumɔɔ lɛ. Shi yɛ nakai beiaŋ nɔŋŋ lɛ, esa akɛ wɔtsɔɔ lɛ nɔ tuuntu ni esa akɛ efee koni eya ehiɛ.

 Kasemɔ Yesu

3. Wa nikaselɔ lɛ koni ekɛ otii amamɔ ehiɛ ni enyɛ eshɛ he.

1.   a. Nikasemɔ fɛɛ nikasemɔ ni nyɛbaashɛ nɔ yɛ Oyi Aná Wala Kɛya Naanɔ! wolo lɛ mli lɛ, wo lɛ hewalɛ ni etsu oti ni yɔɔ fã ni ji, “Nɔ Ni Obaanyɛ Ofee” lɛ mli lɛ he nii dani nyɛya nikasemɔ ni nyiɛ sɛɛ lɛ nɔ.

2.  b. Wa lɛ ni ena nibii pɔtɛi ni ebaanyɛ efee koni enyɛ eshɛ otii ni yeee be tsɔ kɛ otii ni baahe be kplaŋŋ lɛ ahe.

3.  d. Be fɛɛ be ni ebaaya ehiɛ lɛ, jiemɔ eyi.

4. Bɔɔ mɔdɛŋ ni oyɔse nibii ni hãaa nikaselɔ lɛ aya ehiɛ lɛ, ni owa lɛ ni etsu he nii.

1.    Bi ohe akɛ:

   • ‘Mɛni hãaa enyɛ efee nibii ni baahã eya ehiɛ ni eshɛ baptisimɔ he lɛ?’

   • ‘Mɛni manyɛ mafee kɛye mabua lɛ?’

2.   Bi Yehowa ni edro bo ekãa koni okɛ lɛ asusu nibii pɔtɛi ni esa akɛ etsu he nii lɛ ahe, ni ofee nakai bɔ ni baahã ena akɛ osumɔɔ lɛ.

5. Kɛ́ nikaselɔ lɛ eyaaa ehiɛ lolo lɛ, okɛ lɛ akpa nikasemɔ.

1.    Bɔ ni afee ni onyɛ ona kɛ́ eeya ehiɛ loo eyaaa ehiɛ lɛ, bi ohe saji nɛɛ:

   • ‘Ani ekɛ nibii ni ekaseɔ lɛ miitsu nii?’

   • ‘Ani ebaa asafoŋ kpeei? Ni ani egbaa mɛi nibii ni ekaseɔ lɛ?’

   • ‘Amrɔ nɛɛ ni mikɛ lɛ ekase nii be kplaŋŋ lɛ, ani eesumɔ ni ebatsɔ Yehowa Odasefonyo?’

2.   Kɛ́ efeee nɔ ko ni tsɔɔ akɛ eesumɔ ni eya ehiɛ lɛ:

   • Ye obua lɛ ni ena nɔ hewɔ ni ekolɛ enyɛɛɛ eya ehiɛ lɛ.

   • Hã ele akɛ okɛ lɛ baakpa nikasemɔ, shi feemɔ nakai yɛ gbɛ ni woŋ lɛ hiɛgbele nɔ.

   • Hã ele nibii ni kɛ́ etsu he nii lɛ, nyɛbaabɔi nikasemɔ ekoŋŋ.