Te Baere E Karaoia Iesu

Tera Reireiara Mairoun Iesu?

2. Ti riai n taetae ma te tangira nakoia ara reirei ma ti na aki wimakiki naba bwa ti aonga ni buokiia bwa a na rikirake n te onimaki.

 Kakairi Iroun Iesu

3. Buoka am reirei bwa e na katei tiana ao ni karokoa iai.

1.    Kabongana te itera are “Kataia” ae oti i nanon te reirei teuana ma teuana n te boki are Ko Kona ni Kukurei n Aki Toki!

2.   Buoka am reirei bwa e na atai mwaneka aika e riai ni karaoi bwa e aonga n roko n tiana aika uarereke ao aika bubura naba.

3.   Kamoamoaa am reirei n taai nako ibukin rikirakena.

4. Atai kangaanga ake a kona n tutuka rikiraken am reirei, ao buokia bwa e na tokanikai i aoia.

1.    Titirakiniko aei:

   • ‘Ngkana e tuai man rikirake au reirei nakon te bwabetito, tera ae e tautaua?’

   • ‘Tera te bwai ae I kona ni buokia iai?’

2.   Tataro ibukin te ninikoria bwa ko aonga ni kona ni maroro ma ngaia ma te aki wimakiki ao n te aro ae tatangira, i aon te bwai ae e riai ni karaoia.

5. Katoka te reirei ngkana akea te rikirake iroun am reirei.

1.    Taraia bwa e uaana ke e aki te reirei n te Baibara iroun am reirei n arom n titirakiniko aei:

   • ‘E maiuakini baika e reiakin au reirei aei?’

   • ‘E iriri bobotaki n te ekaretia ao n tibwaa te koaua nakoia tabemwaang?’

   • ‘Imwin te reirei i nanon te tai ae maan, e boni kan riki bwa temanna Ana Tia Kakoaua Iehova?’

2.   Ngkana e aki kan rikirake am reirei n te Baibara:

   • Tuangnga bwa e na iaiangoia bwa tera ae e tautaua.

   • Kabwarabwaraa ma te akoi bukina ngkai ko a katoka te reirei.

   • Kaotii nakoina bwaai aika e riai moa ni karaoi, imwain ae ko na manga waakina te reirei.