TEYUʼƗKITƗWAMETE NIWARAYEITƗWANI
ʼƗKITƗARIKA 12
Peukatikanamirieka
ʼƗkitɨarika Yuútsi Niukieyatsíe mieme: «Wiyá metá ʼinaiyari witsimɨʼɨa ʼiyaari pɨkatemawieritɨwa, mɨpaɨ tsiere pɨʼane mɨʼahamiku karaʼawiwietatɨ mɨʼatsikumariʼitsitɨwatsíe» (Prov. 27:9).
Kemɨtiuyuri Ketsuútsi
1. Neuxeiya VIDEO nutsɨ nakaterɨwa Marcos 10:17-22. ʼAriketá ʼikɨ ʼiwaurikate neutiʼeiya:
¿Tita tetehetimamateke Ketsuútsi kemɨtiuyuritsíe?
2. Xɨka teteheuyehɨaká keane temɨtewaʼɨkitɨa metsetseɨyetɨ memɨyehuni, peuyewetsé temɨtewakuxaxaatɨwani nakiʼerima metá tixaɨtɨ tekatewakanamirietɨ.
Ketsuútsi keneutaʼɨki
3. Tiyuʼɨkitɨwame keneupareewi ʼaixɨ tiʼaneneme mɨranukuʼaxekɨ.
-
Keneuʼapareewi mainetsíe «ʼIpaɨ tineuyuri» ʼɨkitɨarikate mayehú xapatsíe Peyutemawietɨ pepayeiwé.
-
Tiyuʼɨkitɨwame keneupareewi mɨretimanikɨ kemɨtiyurieni mɨranukuʼaxekɨ karautewikaku nutsɨ ʼarikeke.
-
Tiyuʼɨkitɨwame yetinekuhɨaweni keʼaixɨ mɨtiuyuri yutuukaaritsíe.
4. Neuyuʼɨwiya tiyuʼɨkitɨwame tita katipitɨ́a muyemienikɨ tseɨyetɨ metá keneupareewi menutaxeiyaxɨanikɨ.
-
-
«Xɨka keane nemɨtiʼɨkitɨa ʼaixɨ kahautiʼaneni mukaʼɨɨwakɨ, ¿tita ʼaumɨ́ katipitɨ́a?».
-
«¿Kehepaɨ netiuyuriwe nemipareewienikɨ?».
-
-
Jehová ketineutawawiri pekaʼukamatɨ yepemɨtitahɨawekɨ nakeʼerima pekatikanamirietɨ tita mɨreuyehɨwá tseɨyetɨ mɨyemienikɨ.
5. Keneuhayewa pemɨtiʼɨkitɨa xɨka yekatikamieni ketita mɨretimamateke.
-
Xɨka pereumaimɨkɨni ʼakuxi ʼaixɨ ʼaneni pemɨtiʼɨkitɨaka, tineuyuʼiwawiya:
-
«¿Yatikamierí tiyuʼikitɨwame tita mɨretimamateke?».
-
«¿Xeɨritsika retaʼaxé metá hiipame tiwakuxaxaatɨwa tita mɨretimamateke?».
-
«Xɨkarí reutewini tiyuʼɨkitɨatɨ, ¿tiyuwaɨriyarí Jehová Niukieya xaxaatame mayaní?».
-
-
Xɨka tiyuʼɨkitɨwame kayukupatani yutuukaaritsíe:
-
Neuwaɨritɨa mɨretimanikɨ ketita mɨtiwaketsá.
-
ʼAixi yari peʼikuhɨawetɨ yeketineutahɨawi títakɨ petihayewa petiʼɨkitɨatɨ.
-
Yeketineutahɨawi heyutiʼenierɨkɨmekɨ kemɨtiyurieni yutuukaaritsíe xɨka ʼuxaʼá warié reuyehɨaká tarieka pemɨtitiʼɨkitɨani.
-
