Oviṋa Jesus mbya tjita

Matu rihongere ko ye okuza ku Jesus?

2. Matu hepa okuraisa orusuvero, posi yokutja wina matu hepa okukahurura oukahu oviṋa omuhongwa mbi ma yenene okutjita kutja ma kayende komurungu okutumbuka popezu na Jehova.

 Horera ku Jesus

3. Vatera omuhongwa woye okutwa po nokuyenenisa ozondando ze.

1.    Ungurisa orupa ndwi “Ondando” mehongwa arihe rembo ndi Yorokera ehupo nga aruhe.

2.   Vatera omuhongwa woye okuzuva nawa oviṋa mbi ma hepa okutjita okuyenenisa ozondando nḓe kambura oruveze orusupi na inḓa nḓe kambura oruveze orure.

3.   Tanga omuhongwa woye aruhe komarundurukiro ngu ma tjiti.

4. Ove mo hepa okutjiwa oviṋa mbi tjaera omuhongwa woye okutjita omarundurukiro, nokumuvatera okuvituurunga.

1.    Ripura omuini kutja:

   • ‘Indu omuhongwa wandje tje ha tjiti omarundurukiro okupapitisiwa, otjikwaye tji tji mu tjaera?’

   • ‘Ovikwaye mbi me yenene okutjita okumuvatera?’

2.   Kumba kutja u kare nouvanḓe wokuhungira noupaturuke norusuvero oviṋa omuhongwa woye mbi ma hepa okutjita.

5. Isa okurihonga ku nomuhongwa ngu ha tjiti omarundurukiro.

1.    Tara kutja omakonḓononeno weṋu wOmbeibela ye kayenda komurungu mokuripura omuini kutja:

   • ‘Hapo omuhongwa wandje u ṱakamisa oviṋa mbye rihonga?’

   • ‘Hapo eye u yenda kozombongarero zombongo nokuhaṋasana ouatjiri ku na varwe?’

   • ‘Indu eye tjee rihonga oure woruveze orure, hapo eye u vanga okurira umwe wOvahongonone va Jehova?’

2.   Indu omuhongwa wOmbeibela tje ha vanga okutjita omarundurukiro:

   • Mu pura ohunga noviṋa mbi mape ya avi mu tjaere okutjita omarundurukiro.

   • Momuano omuwa kahurura kutja omena raye tji u hi nokukayenda komurungu okutjita omakonḓononeno wOmbeibela ku na ye.

   • Mu raera oviṋa mbi ma hepa okutjita kutja mu kayende komurungu okurihonga Ombeibela rukwao.