NGAGA ORANG NYADI MURID
PELAJAR 12
Berani
Prinsip: “Minyak wangi enggau minyak ti bebau rengut ngasuh ati nuan lantang agi, pia mega enggau kaban ti meri ajar ari ati.”—J-lam. 27:9, NWT.
Nama Utai Ti Digaga Jesus?
1. Peda VIDEO, tauka bacha Mark 10:17-22. Udah nya, perundingka sekeda tanya tu:
Nama Ulih Dipelajarka Kitai Ari Jesus?
2. Kitai patut ngayanka pengerindu ngagai pemelajar kitai. Tang kitai mega patut jujur nerangka utai ke patut digaga pemelajar kitai ngambika iya ulih mansang ba pengarap.
Neladan Jesus
3. Tulung pemelajar nuan netapka sereta nyapai juluk ati.
-
Kena meh begian “Uji Tu” ba tiap iti pelajar dalam bup Idup enggau Lantang Belama Iya!
-
Tulung pemelajar nuan meretika utai ke patut digaga kena nyapai juluk ati dalam jangka masa ti pandak sereta jangka masa ti panjai.
4. Giga utai ke nagang pemelajar nuan ngaga pemansang, lalu tulung meh iya mutarka penanggul nya.
-
-
‘Enti pemelajar aku enda ngaga pemansang deka dibaptisa, nama utai ke nagang iya?’
-
‘Nama utai ke ulih digaga aku kena nulung iya?’
-
-
Besampi minta pemerani ngambika ulih berandau enggau terus terang enggau pemelajar nuan. Nuan ulih madahka enggau jujur pasal utai ke patut digaga iya. Kereja meh nya enggau bepengerindu.
5. Enti pemelajar nuan enda ngaga pemansang, ketuka pengawa belajarka Bup Kudus enggau iya.
-
Enti nuan deka nemu sekalika pemelajar Bup Kudus nuan bisi ngaga pemansang tauka enda, tanya meh diri empu:
-
‘Kati pemelajar aku nitihka utai ti dipelajar iya?’
-
‘Kati iya bisi datai begempuru sereta nginjil ngagai orang bukai?’
-
‘Enti iya udah lama belajar, kati iya deka nyadi siku ari Saksi-Saksi Jehovah?’
-
-
Enti iya enggai ngaga pemansang:
-
Minta iya berundingka pasal utai ke nagang iya ngaga pemansang.
-
Terangka enggau manah kebuah nuan deka ngetu belajar enggau iya.
-
Padahka utai ke patut digaga iya enti sema iya deka belajar baru dudi hari ila.
-
PEDA MEGA
Mas. 141:5; J-lam. 25:12; 27:6; 1 Kor. 9:26; Kol. 4:5, 6