I Kingngua ni Jesus

Anni i Magigiammu Tam Kani Jesus?

2. Mawag nga prangka ngem masippo i pakiyuvovug tam ta Bible study tam ira tapenu moffunan ira nga mapprogreso ta espiritual.

 Parigan si Jesus

3. Uffunan i Bible studym nga mapeggan anna madde i goal na ira.

1.    Usan i “Puruebammu yaw” nga feature ta kada leksion na Magayayya nga Mattolay tu Mannanayun!​

2.   Uffunan i Bible studym nga mantindian i ganna-gannug ira nga mawag nga kuan na tapenu madde i goal na ira.

3.   Regular nga komendan i Bible studym ta papprogreso na.

4. Ammuan i makefugag ira ta papprogreso na Bible studym, anna uffunan yayya.

1.    Iyavu mu ta baggim:

   • ‘Nu ari paga nga mapprogreso ta bawtismo i Bible studỳ, anni i makefugag nisa?’

   • ‘Kunnasì yayya nga moffunan?’

2.   Ipakimallo mu i gutu tapenu meyesplikam tu prangka anna masippo ta Bible studym i mawag ira nga kuan na.

5. Iyemmang i ari mapprogreso nga Bible study.

1.    Tapenu mammuan nu mappopprogreso i Bible studym, iyavu mu ta baggim:

   • ‘Iyaplika na kari i magiggigiammu na?’

   • ‘Magatende kari ta study ira anna ikakkagi na ta tanakuan i magiggigiammu na?’

   • ‘Nu nabayag ngana yayya nga mab-Bible study, kayà na kari ngana i mabbalin tu Saksi ni Jehova?’

2.   Nu ari nga mapprogreso i Bible study:

   • Ikagim nga pannonopan na i makefugag ta papprogreso na.

   • Masippo nga iyesplika nu ngatta mawag nga iyemmang mu labbi i pab-Bible study.

   • Ikagim i kuan na sonu kayà na ngana ituloy i pab-Bible study.