Ɔdā Nɛ Ujisɔsi Ya

Ɔdi Nɛ Alɔ Nwu Ŋma Ɛgiyi Ujisɔsi A?

2. Alɔ cɛgbá ō mafu ihɔtu, amáŋ alɔ klla cɛgbá ō lɛ ɔ ta ɔcɛ nɛ alɔ gē klɔcɛ mla ɔ a eyī peee, aɔdā nɛ ó cika ō ya o ya ɛɛ kóō gɔbu yɔ i tubla Ujehofa ajaajɛ.

 Gbla Ujisɔsi Ya

3. Ta ɔcɛ nɛ a gē klɔcɛ ku Ubáyíbu mla ɔ a abɔ kóō ya ōmiya, kóō klla ceyitikwu ō lɛ ōmiya a ya jila.

1.    Bi aya ku “Ɔdā Nɛ A Géē Ya” nōo yɔ ɛlā ō nwu eyeeye ku ɔkpá ku Jɔɔnyɛ Oyeeyi Nōó Gáā Mɛ Gboogboo Ŋ! ma le yuklɔ.

2.   Ta ɔcɛ nɛ a gē klɔcɛ ku Ubáyíbu mla ɔ a abɔ kóō jé aɔdā nɛ ó cɛgbá ō ya, o ya ɛɛ kóō le yɛ faajɛ aɔdā nɛ ó miya ō ya eko kpii mla aɛ̄nɛ̄ ó miya ō ya ɛcɔbu a.

3.   Ta ɔcɛ nɛ a gē klɔcɛ ku Ubáyíbu mla ɔ a ahinya ojigogo ku ɛgɛ nɛ ó yɔ i jɛ gɔbu lɛ a.

4. A cɛgbá ō jé aɔdā nōo yɔ i ci ɔcɛ nɛ a gē klɔcɛ ku Ubáyíbu mla ɔ ŋma ō jɛ gɔbu a, ku a klla ta ɔ abɔ kóō lɛ aunwalu a yale.

1.    Da iyi uwɔ aɔka nyā:

   • ‘Ɔdaŋ ku ɔcɛ nɛ um gē klɔcɛ ku Ubáyíbu mla ɔ a i yɔ i jɛ gɔbu ō ya ubatisim ŋ, ɔdi yɔ i kwu ɔ tu a?’

   • ‘Ɔdi nɛ um lɔfu ya o ya ɛɛ ku um ta ɔ abɔ a?’

2.   Gbɔɔkɔ lɛ Ujehofa kóō je ɔtu ō lɛ gā uwɔ, o ya ɛɛ ku a da ɔcɛ nɛ a gē klɔcɛ ku Ubáyíbu mla ɔ a aɔdā nɛ ó cɛgbá ō ya, ɔwɛ ku ihɔtu.

5. Lɛ abɔ ci oklɔcɛ a, ɔdaŋ ku ɔcɛ nɛ a yɔ i klɔcɛ mla ɔ a i yɔ i jɛ gɔbu ŋ.

1.    Leyi yɛ ɔ ɔdaŋ ku oklɔcɛ ku Ubáyíbu a yɔ i jɛ gɔbu ŋma lɛ ō da iyi uwɔ aɔka nōo ba nyā:

   • ‘Ɔcɛ nɛ um gē klɔcɛ mla ɔ a gē bi aɔdā nɛ ó yɔ i nwu a le yuklɔ?’

   • ‘Ó gē wa ōjila ku ujɔ klla gē da ācɛ ɔhá lɛyikwu ɔkwɛyi nɛ ó yɔ i nwu a?’

   • ‘Ɔdaŋ kóō humayi klɔcɛ ɛ, ó dɔka ō le piya ɔcɛ éyi ku Ācɛ Ocijali Ku Ujehofa?’

2.   Ɔdaŋ ku ɔcɛ nɛ alɔ gē klɔcɛ ku Ubáyíbu mla ɔ a i dɔka ō jɛ gɔbu ŋ:

   • Da ɔ kóō gbɛla lɛyikwu ɔdā nōo lɔfu yɔ i ci ɔ ŋma ō jɛ gɔbu a.

   • Ipu ɔwɛ ojilima, le da ɔ ɔdā nōo ya ɛɛ nɛ a gáā lɛ abɔ ci oklɔcɛ a.

   • Le da ɔ aɔdā nɛ ó cɛgbá ō ya, ɔdaŋ kóō géē dɔka ō klɔcɛ igbɔha kpɔ.