Jesus Mịẹye Mị

Jesus Mịẹye Mị Te Ka Kị Wó Tolumọ Ma O?

2. Omịnị tarịnana bara ka kị wó mọ Bible tolumọmịnị kịmịbo mọ ẹrẹ agbẹịemi. Mọabịkpọ, omịnị boloukụrọtimi baratụa akị a pịrịwẹrị tẹmẹ-anga bọọ bọlọụbụọmụ yeama gbaa a pịrị.

 Jesus Dimịẹ

3. Baratụa akị ị́ mọmọ́ Bible tolumọmịnị ụbọ pịrịwẹrị mịẹmụyeama tọn angọ pịrị bá mịẹbeinmọ.

1.    Pọwẹịtimi Bẹseri Bẹseri Laa! fun bọọ “Mịẹmụye” anga bọọ akị ụbọ mọ ẹrẹtei.

2.   Baratụa akị ị́ mọmọ́ Bible tolumọmịnị ụbọ pịrịdá, ụ barị wẹrị wo tọnpẹlẹdẹ yebo mịẹbeinmọ a paaemi yeama leleipẹlẹ.

3.   Ụbọ bọlọụbụọmịnị yọmị akị ụ seri.

4. Ị́ mọmọ́ Bible tolumọmịnị ụbọ mịẹ wẹrị bọlọụbụọ a paagha yeama leleipẹlẹdá baratụa akị ụbọ pịrịwẹrị bịsẹ yebo daatịẹmọ.

1.    Iné angọ bii:

   • ‘Ị mọmọ́ Bible tolumọmịnị ụbọ naa benibileghaba teeki wo benibilemụ yọ tịẹmọmịnị a o?’

   • ‘Teeki ị mọ mịẹwẹrị baratụa ụ pịrị a paaemi a o?’

2.   Tẹẹ Jehovah pịrịdá, baratụa ị́ pịrịwẹrị boloukụrọ bá tarịnana ụwọụ akị ụbọ mịẹ agbẹịemi yebo gbaa akị ụ pịrị.

5. Ị́ mọmọ́ Bible tolumọmịnị ụbọ bị bọlọụbụọyọ mịẹdịaghaba, tolumọye tịẹmọ.

1.    Ị́ mọmọ́ Bible tolumọmịnị ụbọ bị, bọlọụbụọmịnị bara dọụ ẹrịmụ yọmị, bei biibịbịbo akị iné angọ bii:

   • ‘Ụbọ bị, wo tolumọdẹ-yebo akị tụa inyenrinmịnị a o?’

   • ‘Ụbọ bị yetolumọyọ amú bá wo tolumọdẹ-yebo gbaa akị zịnị-otu pịrịmịnị a o?’

   • ‘Ụbọ bị, ị mọmọ́ Bible tolumọtimi aladẹ a, anịa ụbọ bị Jehovah Iseri-ụbọ a paa dọụmịnị bara mịẹdịamịnị a o?’

2.   Ụbọ bị bọlọụbụọghaba:

   • Baratụa akị ụbọ pịrịwẹrị, ụbọ mịẹ bọlọụbụọ dọụgha yebo kẹrị iroro.

   • Kịlịkịlị bara ka kị ị́mịnị tolumọye tịẹmọmịnị tuu bị gbaa ụbọ pịrị.

   • Ụbọ bị waị bei bọlọụ bị ị́ mọmọ́ Bible tolumọ dọụmịnịaba, ụbọ mịẹ agbẹịemi yebo gbaa akị ụ pịrị.