Ti Inaramid ni Jesus

Ania ti Masursurotayo ken Jesus?

2. Matulongantayo dagiti iyad-adalantayo a rumang-ay iti naespirituan no ibagatayo kadakuada dagiti kasapulan a parang-ayenda iti naayat a pamay-an.

 Tuladem ni Jesus

3. Tulongam ti iyad-adalam a maaddaan ken gumaw-at iti kalat.

1.    Iti kada leksion ti Agbiagka a Naragsak iti Agnanayon! usarem ti feature a “Padasem Daytoy.”

2.   Tulongam ti iyad-adalam a mangkita kadagiti kasapulan nga aramidenna tapno maragpatna dagiti short-term wenno long-term a kalatna.

3.   Kanayon a komendaram ti iyad-adalam kadagiti maar-aramidanna.

4. Ammuem dagiti manglaplapped iti iyad-adalam a rumang-ay, ken tulongam tapno mapagballigianna dagita.

1.    Isaludsodmo iti bagim:

   • ‘No saan pay a kualipikado ti iyad-adalak nga agpabautisar, ania ngata ti manglaplapped kenkuana a rumang-ay?’

   • ‘Ania ti maitulongko kenkuana?’

2.   Ikararagmo a maaddaanka iti pigsa ti pakinakem a sipaprangka ngem naayat a mangilawlawag iti iyad-adalam kadagiti kasapulan nga aramidenna.

5. Isardengmo nga iyadalan dagiti saan a rumangrang-ay nga iyad-adalam.

1.    Tapno makitam no rumangrang-ay ti iyad-adalam iti Biblia, isaludsodmo iti bagim:

   • ‘Iyap-aplikar kadin ti iyad-adalak dagiti nasursurona?’

   • ‘Makigimgimong kadin ken ibagbaganan iti sabsabali dagiti nasursurona?’

   • ‘No nabayagen nga agad-adal, kayatna kadin ti agbalin a Saksi ni Jehova?’

2.   No saan a rumangrang-ay ti iyad-adalam iti Biblia:

   • Damagem no ania dagiti posible a manglaplapped kenkuana.

   • Siaannad nga ilawlawagmo no apay nga isardengmon nga iyadalan.

   • Ibagam kenkuana dagiti masapul nga aramidenna no kayatna ti agadalto manen.