Yesu Galaw Wa Ai Lam

Yesu Kaw Na Hpa Sharin La Mai Ai Kun?

2. Wenyi lam hta rawt jat wa hkra Chyum ga sharin hpe karum ya ai shaloi, tsawra myit hte dan dan leng leng tsun ra ai.

 Yesu Hpe Kasi La U

3. Chyum ga sharin bandung tawn chye hkra, du dep hkra karum ya u.

1.    Htani Htana Ngwi Pyaw Ai Prat! a daw langai hpra hta lawm ai “Bandung” hpe akyu jashawn u.

2.   Bandung kadun hte bandung galu ni hpe du dep lu na matu, shi hpa ni galaw ra ai hpe chye na hkra karum ya u.

3.   Chyum ga sharin a rawt jat ai lam ni hpe ayan shakawn ya u.

4. Rawt jat na matu dingbai dingna byin shangun ai lam ni hpe chye hkra galaw nna, tawt lai lu hkra karum ya u.

1.    Tinang hkum tinang ndai hku san u:

   • ‘Chyum ga sharin gaw hkalup hkam ai du hkra n rawt jat wa yang, shi hta hpa mayak mahkak nga taw ai kun?’

   • ‘Shi hpe gara hku tatut karum ya lu na kun?’

2.   Chyum ga sharin galaw ra na lam ni hpe tsawra myit hte dan dan leng leng bawngban lu hkra nden marai jaw na matu akyu hpyi u.

5. Chyum ga sharin n rawt jat ai nga yang jahkring kau u.

1.    Chyum ga sharin rawt jat ai, n rawt jat ai hpe chye hkra tinang hkum tinang ndai hku san u:

   • ‘Chye wa ai lam ni hpe Chyum ga sharin hkan sa ai kun?’

   • ‘Zuphpawng ni lung ai kun? Kaga ni hpe tengman lam tsun dan ai kun?’

   • ‘Sharin ai aten na wa ai hte maren, shi Yehowa Sakse byin mayu ai kun?’

2.   Chyum ga sharin gaw rawt jat mayu ai myit n nga yang:

   • Rawt jat na matu shi hpe hpa gaw dingbai dingna jaw nga ai lam myit yu na matu tsun u.

   • Hpa majaw matut n sharin ya lu sai hpe hpaji rawng let sanglang dan u.

   • Bai sharin mayu ai nga yang, hpa ni rawt jat ra na hpe tsun dan u.