KPƐLƖKƖYAA LABƲ
TƆM KƖKPƐLƖKƖTƲ 12
Heyi kpɛlɩkɩyʋ mbʋ pɩwɛɛ se ɛla yɔ kpayɩ
Paɣtʋ kiɖe: «Num nɛ tɩlaaɖɩ haɣ ɛyʋ laŋhʋlʋmɩyɛ; mbʋ ɖɔɖɔ lɔŋ tasʋʋ mbʋ pɩlɩnɩ ɛyʋ laŋɩyɛ taa yɔ, pɩlakɩ nɛ ɛyaa pɩsɩɣ taabalaa kɩbama.»—Adu. 27:9.
Mbʋ Yesu laba yɔ
1. Cɔnɩ VIDEO, yaa kalɩ Maarɩkɩ 10:17-22. Pʋwayɩ lɛ ŋmaɣzɩ tɔm tʋnɛ tɩ-yɔɔ:
Ɛbɛ ɖɩkpɛlɩkɩɣ Yesu kɩɖaʋ taa?
2. Pɩpɔzʋʋ se ɖɩyɔɔdɩnɩ ɖe-Bibl kpɛlɩkɩyaa nɛ sɔɔlɩm, ɛlɛ pɩwɛɛ se ɖiheyi-wɛ toovenim nɛ pɩsɩnɩ-wɛ nɛ pɛɖɛɛnɩ ɛsɩndaa fezuu taa.
Maɣzɩnɩ Yesu
3. Sɩnɩ ñe-Bibl kpɛlɩkɩyʋ nɛ ɛɖʋ ɛ-tɩ kaɖʋsɩ nɛ ɛtalɩ-sɩ.
-
Labɩnɩ tʋmɩyɛ Nɩɩ wezuu leleŋ tam! takayaɣ tɛ hɔɔlʋʋ «Kaɖʋwa» ŋgʋ kɩwɛ paa tɔm ñʋʋ ŋgʋ lɛ kɩ-taa yɔ.
-
Sɩnɩ ñe-Bibl kpɛlɩkɩyʋ nɛ ɛtɩlɩ nɩŋgbanzɩ nzɩ ɖeyi ɖeyi ɛpɩzɩɣ nɛ ɛkpɛzɩ nɛ ɛtalɩ kaɖʋsɩ cikpesi nɛ kaɖʋsɩ sɔsɔsɩ nasɩyɩ yɔ.
4. Ñaɣ pana nɛ ŋtɩlɩ kala wena aɖɩkɩ ñe-Bibl kpɛlɩkɩyʋ nʋmɔʋ nɛ ɛɛɖɛɣnɩ ɛsɩndaa yɔ nɛ ŋsɩnɩ-ɩ nɛ ɛwabɩ-yɛ.
-
-
«Ye men-Bibl kpɛlɩkɩyʋ ɛɛɖɛɣnɩ ɛsɩndaa se pamɩyɩsɩ-ɩ lɩm yɔ, ɛbɛ cɔlɔ pɩlɩnaa?»
-
«Ɛbɛ ɖeyi ɖeyi manpɩzɩɣ mala nɛ mansɩnɩ-ɩ?»
-
-
Tɩmnɩ Yehowa se ɛha-ŋ abalɩtʋ nɛ ŋyɔɔdɩnɩ ñe-Bibl kpɛlɩkɩyʋ nɛ sɔɔlɩm nɛ ŋheyi-i kpayɩ mbʋ pɩwɛɛ se ɛla yɔ.
5. Yele kpɛlɩkɩnʋʋ mba paaɖɛɣnɩ ɛsɩndaa yɔ.
-
Pɩsa nɛ ŋna se kpɛlɩkɩyʋ nɔɔyʋ ɖɛɣnɩ ɛsɩndaa yaa ɛɛɖɛɣ lɛ, pɔzɩ ña-tɩ tɔm tʋnɛ:
-
«Men-Bibl kpɛlɩkɩyʋ ɖɔŋ tɔm ndʋ ɛkpɛlɩkɩɣ yɔ tɩ-yɔɔ?»
-
«Ɛkɔŋ kediɣzisi nɛ eheyiɣ lalaa toovenim tɔm ndʋ ɛkpɛlɩkɩɣ yɔ?»
-
«Ye ɛpaɣzʋʋ kpɛlɩkʋʋ yɔ pileɖaa yɔ, ɛzɩ ɛsɔɔlaa se ɛpɩsɩ Yehowa Aseɣɖe Tʋ na?»
-
-
Ye Bibl kpɛlɩkɩyʋ nɔɔyʋ ɛɛɖɛɣnɩ ɛsɩndaa yɔ . . .
-
Heyi-i se ɛtazɩ nɛ ɛna se ɛbɛ ɖaŋɩɣ-ɩ nɛ ɛɛɖɛɣnɩ ɛsɩndaa.
-
Lɩzɩ-ɩ mbʋ pʋyɔɔ ŋyeki-i kpɛlɩkɩnʋʋ Bibl yɔ pɩ-taa nɛ nɔɔ kɩbaŋa.
-
Heyi-i lɛɣzɩtʋ ndʋ pɩwɛɛ se ɛla pʋcɔ nɛ ña nɛ ɩ ɩɖaɣnɩ paɣzʋʋ Bibl kpɛlɩkʋʋ yɔ.
-