Li kixbʼaanu li Jesús

Kʼaru naqatzol rikʼin li Jesús?

2. Wi naqaj naq ebʼ li qatzolom teʼkʼiiq saʼebʼ li xpaabʼal, aajel ru naq tqaatinahebʼ rikʼin rahok ut tqaye rehebʼ li naqil chirixebʼ.

 Kʼam aawe rikʼin li Jesús

3. Tenqʼa laatzolom re naq tixbʼaanu junaq li naʼlebʼ li tixtenqʼa saʼ li xpaabʼal ut re naq truuq xbʼaanunkil.

1.    Oksi li kaaxukuut «Bʼaanu aʼin» saʼ li junjunq chi tzolom re li hu Sahaq laachʼool.

2.   Tenqʼa laatzolom re naq tixnaw kʼaru li naʼlebʼ ttenqʼanq re saʼ li xpaabʼal anaqwan ut saʼ li kutan chalk re.

3.   Rajlal taawaklesi xchʼool laatzolom xbʼaan naq yook chi kʼiik saʼ li xpaabʼal.

4. Aajel ru naq taanaw kʼaru naramok re laatzolom re naq tkʼiiq saʼ li xpaabʼal ut tenqʼa chi xqʼaxbʼal ru.

1.    Bʼaanu aawe ebʼ li patzʼom aʼin:

   • «Wi toj maajiʼ naxkʼoxla xkubʼsinkil xhaʼ, kʼaru tawiʼ naramok chiru?».

   • «Kʼaru tinruuq xbʼaanunkil re xtenqʼankil?».

2.   Tzʼaama re li Jehobʼa naq tixkʼe aametzʼew chi xyeebʼal re laatzolom kʼaru tento tixbʼaanu re naq inkʼaʼ tixkanabʼ kʼiik saʼ li xpaabʼal abʼan taabʼaanu rikʼin rahok.

5. Wi inkʼaʼ nakʼiik saʼ li xpaabʼal, maakʼe chik xtzolbʼal.

1.    Re naq taanaw ma toj taakʼe xtzolbʼal, bʼaanu aawe ebʼ li patzʼom aʼin:

   • «Ma yook xyuʼaminkil li naxtzol?».

   • «Ma yook chi wulak saʼebʼ li chʼutam ut ma naxseeraqʼi li yaal rehebʼ li junchʼol?».

   • «Wi ak junxil naʼok chi tzolok, ma naraj wank choʼq aj testiiw re li Jehobʼa?».

2.   Wi inkʼaʼ naxkʼut naq yook chi kʼiik saʼ li xpaabʼal:

   • Ye re, naq tixkʼoxla kʼaru yook chi chʼaʼajkink re.

   • Chʼolobʼ chiru saʼ tuulanil kʼaʼut inkʼaʼ chik taakʼe xtzolbʼal.

   • Chʼolobʼ chiru kʼaru tento tixbʼaanu wi saʼ jun kutan traj wiʼ chik tzolok.