KUKUMISA BANTU BALONGOKI
DILONGI 12
Vanda Kikesa
Munsiku: “Mafuta mpi ndumbu ke pesaka ntima kiese; kinduku ya mbote yina ke katukaka na bandongisila ya masonga ke salaka mutindu mosi.”—Bing. 27:9.
Mambu ya Yezu Salaka
1. Tala VIDEO, to tanga Marko 10:17-22. Na nima, tadila bangiufula yai:
Mbandu ya Yezu Ke Longa Beto Inki?
2. Beto fwete monisa longoki nde beto ke zolaka yandi. Kansi beto fwete songa yandi mpi na pwelele yonso mambu ya yandi lenda sala sambu na kuyela na kimpeve.
Landa Mbandu ya Yezu
3. Sadisa longoki na kuditudila balukanu mpi na kulungisa yo.
-
Sadila kitini “Mambu ya Kusala” na konso dilongi ya mukanda Zinga Mvula na Mvula!
-
Sadisa longoki na nge na kubakisa mambu ya yandi fwete sala sambu na balukanu ya yandi lenda lungisa sesepi mpi na bilumbu ke kwisa.
-
Sikisa longoki mbala na mbala mutindu yandi ke yela na kimpeve.
4. Sosa kuzaba mambu ya ke kanga longoki nzila na kuyela, mpi sadisa yandi na kununga yo.
-
-
‘Kana longoki na mono ke yela ve sambu na kubaka mbotika, inki ke kanga yandi nzila?’
-
‘Inki mono lenda sala sambu na kusadisa yandi?’
-
-
Samba sambu na kubaka kikesa ya kusonga longoki na nge na pwelele yonso mpi na zola mambu ya yandi fwete sala.
5. Zenga kulonguka kana longoki ke yela ve.
-
Sambu na kuzaba kana longoki na nge ke yela, kudiyula nde:
-
‘Keti longoki na mono ke sadilaka mambu ya yandi ke longukaka?’
-
‘Keti yandi ke kwisaka na balukutakanu ya dibundu mpi yandi ke longaka bantu ya nkaka kieleka?’
-
‘Na nima ya kulonguka ti yandi mwa ntangu, keti yandi ke zola kukuma Mbangi ya Yehowa?’
-
-
Kana longoki ya Biblia ke zola ve kuyela:
-
Lomba yandi na kuyindula inki ke kanga yandi nzila.
-
Na mawete yonso, songa yandi sambu na nki nge ke zenga kulonguka ti yandi.
-
Songa yandi inki mambu yandi fwete yidika na ntwala nde beno vutukila kulonguka.
-
