Osho Jesus a ninga

Oshike hatu lihongo kuJesus?

2. Nonande otwa pumbwa okupopya pahole novakonakonimbiibeli vetu, otwa pumbwa yo oku va yelifila osho ve na okuninga, opo va twikile okweehena popepi naJehova.

 Hopaenena Jesus

3. Kwafela omukonakonimbiibeli woye e litulile po omalalakano noku a hanga.

1.    Longifa oshimhungu “Omalalakano” osho shi li moshileshwa keshe, membo Nghee to dulu okuhafela onghalamwenyo fiyo alushe!

2.   Kwafela omukonakonimbiibeli woye a mone osho e na okuninga, opo a hange omalalakano aye moule wefimbo lixupi nosho yo moule wefimbo lile.

3.   Kala ho pandula omukonakonimbiibeli woye pandjikilile omolwexumokomesho olo ta ningi.

4. Didilika osho tashi imbi omukonakonimbiibeli a ninge exumokomesho, ndele to mu kwafele a finde omashongo oo.

1.    Lipula kutya:

   • ‘Oshike tashi imbi omukonakonimbiibeli wange a ninge exumokomesho fiyo opo shitwa shokuninginifwa?’

   • ‘Ondi na okuninga shike, opo ndi mu kwafele?’

2.   Ilikana u pewe ouladi, opo u yelifile omukonakonimbiibeli woye pahole osho e na okuninga.

5. Xulifa po ekonakonombiibeli, ngeenge omukonakoni ita ningi exumokomesho.

1.    Tala ngeenge ekonakonombiibeli leni otali pondola mokulipula kutya:

   • ‘Mbela omukonakonimbiibeli wange ota tula ngoo moilonga osho te lihongo?’

   • ‘Mbela oha kala ngoo pokwoongala nokulombwela vamwe osho te lihongo?’

   • ‘Konima eshi a konakona oule wefimbo, mbela okwa hala okuninga umwe womEendombwedi daJehova?’

2.   Ngeenge omukonakonimbiibeli ina hala okuninga exumokomesho:

   • Mu pula a diladile kutya oshike tashi mu imbi a ninge exumokomesho.

   • Mu lombwela noukeka kutya omolwashike to xulifa po ekonakonombiibeli.

   • Mu yelifila kutya omalunduluko elipi e na okuninga, ofimbo inamu twikila natango okukonakona.