Мәсәла Иса

Әм жь Иса Чь Һин Дьбьн?

2. Әм гәрәке шагьртед хԝәрʹа һʹәзкьрьне бьдьнә кʹьфше, ле диса жи лазьм ә жерʹа зәлал нишан кьн, кӧ әԝ гәрәке чь бькә, ԝәки рʹӧһʹанида пешда һәрʹә.

 Чʹәʹв Бьдьнә Иса

3. Али шагьрте хԝә бькьн кӧ әԝ нета дайнә пешийа хԝә у бьгьһижә ԝан нета.

1.   а. Бьдьнә хәбате пʹара «Нет» жь һәр дәрсәкә кʹьтеба Ша бә Жийинерʹа Һʹәта-Һʹәтайе!

2.  б. Али шагьрте хԝә бькьн, ԝәки әԝ фәʹм кә, кӧ чь гәрәке бькә, ԝәки бьгьһижә һьм нетед бьчʹук, һьм жи йед мәзьн.

3.  щ. Бона һәр пешдачуйина шагьрте хԝә пʹайе ԝи бьдьн.

4. Пебьһʹәсьн чь рʹийа шагьрте ԝә дьгьрә пешда һәрʹә у али ԝи бькьн.

1.   а. Жь хԝә бьпьрсьн:

   • «Һәрге шагьрте мьн бәрбь ньхӧмандьне гава навежә, гәло чь рʹийа ԝи дьгьрә?»

   • «Гәло чьда әз дькарьм али ԝи бькьм?»

2.  б. Бона мерхасийе дӧа бькьн, кӧ һун бькарьбьн рʹастә-рʹаст у бь һʹәзкьрьне бежьн, ԝәки әԝ гәрәке чь гава бавежә.

5. Һәрге шагьрт рʹӧһʹанида пешда начә, һинбуне бьдьнә сәкьнандьне.

1.   а. Сәва кӧ бьзаньбьн һинбуне бәрдәԝам кьн йан на, жь хԝә бьпьрсьн:

   • «Гәло шагьрте мьн чь кӧ һин дьбә, әʹмьре хԝәда дьдә хәбате?»

   • «Гәло әԝ те сәр щьвата у дәрһәԛа баԝәрийа хԝә кәсед дьнрʹа дьбежә?»

   • «Һәрге әԝ ида гәләк ԝәхт Кʹьтеба Пироз һин дьбә, гәло хԝәстьна ԝи һәйә бьбә Шәʹде Йаһоԝа?»

2.  б. Һәрге хԝәстьна ԝи тʹӧнә йә пешда һәрә:

   • Жь ԝи бьпьрсьн һәла чь рʹийа ԝи дьгьрә.

   • Бь нәрми шьровәкьн кӧ чьма һун дьхԝазьн һинбуне бьдьнә сәкьнандьне.

   • Жерʹа бежьн кӧ чь гава әԝ гәрәке бавежә, һәрге әԝ паше диса бьхԝазә һинбуне бәрдәԝам кә.