Cilongel Yeez

I biny bituloolongel ku cileejel cya Yeez?

2. Bikaam tuleej mulony iitut a Bibl lukat hakumumvwiij hatook cidyey mwa kulong bwa kutungunukey ni kufweej habwiih ni Yehow.

 Iidikij Yeez

3. Ambulwiish mulony iibuh bwa akumbaj biihacil bindiy.

1.    Kal mudimw ni cituh cya neey “Kiihacil kaam” cidy mu dilongweesh dyoos dya mu mukand a Iikal ni buumy buyiil!

2.   Ambulwiish mulony iibuh bwa kumanyikey myand yidyey mwa kulong bwa kukumbaj biihacil bidyey mwa kwiifundil bwa mafuk makeeh ni bidyey mwa kwiifundil kuunyim kwa mafuk mavul.

3.   Iikal weelok mulony iibuh kalumbady bwa muyaayey kuuhal.

4. Manyik myand yidy mwa kukaakesh mulony iibuh bwa kuy kuuhal, ni mwambulwiish bwa yiyitaatameen.

1.    Iyihanguj neey:

   • ‘Biby biikal neey mulony aam kiin uy kuuhal bwa kufik teng ni ku baatiisumw, i biny bimukaakakeesh?’

   • ‘I biny binady mwa kulong bwa kumwambulwiish?’

2.   Sambil bwa uhet mucim mukasakan bwa kwiisamb ni mulony iibuh hakumuleej myand hatook ni lukat ni mwambil cidyey ni bwa kulong.

5. Iimanyik kulong Bibl ni muut udy kay uy kuuhal.

1.    Kontonon ning mulony iibuh a Bibl uyaay kuuhal hakwiihanguj neey:

   • ‘Mulony aam ukookoyelok ku myand yidyey ulong eeny?’

   • ‘Utweetweelok mu bisangil bya cisumbw ni wambambilok baat bakwaabw myand ya biin-biin yidyey mulong eeny?’

   • ‘Biby biikal neey ukaady mulong myand ya biin-biin kukaady mafuk mavul, i mukatok kushaal Temw a Yehow eeny?’

2.   Biby biikal neey mulony iibuh a Bibl kiin mukat kuy kuuhal:

   • Mwiihanguj bwa alangilok ha bidy mwa kumukaakesh bwa kuyey kuuhal.

   • Mumvwiij mu bilengel bwabiny ki wiimanyik dilong dya Bibl.

   • Muleej cidyey mwa kulong bwindiy kuyey kuuhal biby biikal neey i mukat kulong cikwaabw.