Meac Jesus El Oruh

Meac Kuht Kuh In Lotwelah Kacl Jesus?

2. Kuht enenuh in ahkkahlwemye luhngse, tuhsruhktuh kuht enenuh pac in ahkuhtweyac kahlwem ma mwet lutlut se kuh in oruh tuh elan kuh in tahfwelah na in fototoyang nuh sin Jeova.

 Etahel Jesus

3. Kahsruh mwet lutlut lom an in oakiyac finsrak ac in sun ma inge.

1.    Orekmakihn ip se inge “Srihke in Oruh Ma Inge” ke kais sie mwe lutlut ke Engankihn Moul Ma Pahtpaht!

2.   Kahsruh mwet lutlut lom an in kahlwem ke ma el enenuh in oruh tuh elan sun finsrak se ma el kuh in ahkpwacyeye ke pacl na sa oacyacpac finsrak se sahyac ma enenuh pacl loeloes tuh elan sun.

3.   Kaksakihn mwet lutlut lom pacl nuhkewa ke kapkapwack lal.

4. Kom enenuh in etuh lah meac tulokihnye mwet lutlut lom in kapkapwack, ac kahsrel in kuhtanglah ma inge.

1.    Siyuck sum sifacna:

   • ‘Fin mwet lutlut luhk el tiac kapkapwack nuhke bacptais, meac ikolilyac?’

   • ‘Meac nga kuh in oruh in kahsrel?’

2.   Puhruhe ke puhlaik tuh kom in ahkuhtweyac in kahlwem ke ma mwet lutlut lom el enenuh in oruh ke inkacnek kuhlwacng.

5. Tui ke lutlut fin mwet lutlut sac el tiac oraclah kapkapwack.

1.    In etuh fin mwet lutlut Bible lom el kapkapwack, nuhnkuh ke kihsen siyuck inge:

   • ‘Yac mwet lutlut luhk el orekmakihn ma el lotwelah?’

   • ‘Yac el wi ke miting luhn congregation ac sruhmuhn ma pwacye nuh sin mwet sahyac uh?’

   • ‘Tukun el lutlut ke lusen pacl loes, yac el luhngse in eklac sie Mwet Loh luhn Jeova?’

2.   Fin sie mwet lutlut Bible el tiacna kapkapwack:

   • Fahk nuh sel in nuhnkuh lah meac ma kuh in ikolilyac in kapkapwack.

   • Ahkuhtweyac ke inkacnek kuhlwacng lah efuh kom ac tui in lutlut nuh sel.

   • Kom ahkkahlwemye nuh sel lah meac el enenuh in oruh meet liki kom sifwilpac tahfwelah in lutlut nuh sel.