KUKWASHA BANTU KWIKALA BAANA BA BWANGA
LUFUNJISHO 12
Kuchina Ne
Jifunde: “Manyi ne binunka bulongo bilengela muchima kusangalala; byo biji ne bulunda bwawama bwikalako na mambo a kufundañanako kufuma panshi ya muchima.”—Maana 27:9.
Byaubanga Yesu
1. Tambai VIDYO, nangwa tangai Mako 10:17-22. Apa bino mwisambe ano mepuzho:
Ñanyi Bintu byo Twafunjilako kwi Yesu?
2. Twafwainwa kutemwa bantu bo tufunjisha Baibolo ne kwibalumbulwila bulongo bintu byo bafwainwa kwingijilapo pa kuba’mba batwajijile kukosesha bulunda bwabo ne Yehoba.
Ubainga Byaubanga Yesu
3. Kwashai ye mufunjisha Baibolo kwibikila bikonkwanyi ne kwibifikizha.
-
Ingijishai kipungu kya kuba’mba “Ubai bino” kiji mu lufunjisho lonse luji mu buku wa Mukekala Myaka ne Myaka!
-
Kwashai ye mufunjisha Baibolo ayuke ñanyi bikonkwanyi bicheche ne bikatampe byo afwainwa kwibikila.
-
Kimye kyonse sanchilainga ye mufunjisha Baibolo byo abena kukomenako mu lwitabilo.
4. Yukai bintu bibena kulengela ye mufunjisha Baibolo kubula kuyilako palutwe. Kabiji mukwashai kushinda yoyo mikiika.
-
-
‘Inge ye mufunjisha Baibolo kechi ubena kuyilako palutwe kuba’mba afikilemo kubatizhiwa ne, ñanyi bintu bibena kumubwezha panyuma?’
-
‘Nafwainwa kumukwasha byepi?’
-
-
Lombainga kwi Yehoba kwimupa maana ne kubula kupita mu mbaji pa kwisamba nanji pa kuba’mba mumukwashe.
5. Kilekai kufunjisha muntu Baibolo ubula kuyilako palutwe.
-
Iipuzhai ano mepuzho pa kuba’mba mushiinwe inge ye mufunjisha Baibolo ubena kuyilako palutwe nangwa ne:
-
‘Nanchi ye mfunjisha Baibolo wingijisha bintu byo abena kufunda mu bwikalo bwanji nyi?’
-
‘Nanchi utaanwa ku kupwila ne kubuulako bakwabo bukine bo abena kufunda nyi?’
-
‘Inge kya kuba wafunda Baibolo pa moba avula, nanchi ubena kukeba kwikala Kamonyi wa kwa Yehoba nyi?’
-
-
Inge ye mufunjisha Baibolo kechi ubena kuyilako palutwe ne, ubai bino:
-
Mwipuzhai alangulukepo bintu bimo bibena kumulengela kubula kuyilako palutwe.
-
Mulumbulwilai bulongo ene mambo o mubena kulekela kumufunjisha Baibolo.
-
Mubuulai bintu byo afwainwa kwingijilapo saka mukyangye kutendeka jikwabo kufunda nanji.
-