Eyi ga rugene Jesus

Yisinke tuna lirongere ko kwaJesus?

2. Twa hepa kulikida eharo, nye hena twa hepa kuvyukilira kutantera murongwa eyi na rugana a ture po marunduruko.

 Honena Jesus

3. Vatera murongwa a litulire po yitambo noku yi sikisa mo.

1.    Mwankenye sirongwa, ruganesa ruha “Heteka eyi” mobuke Hafera eparu narunye!

2.   Vatera murongwa goge a kwate egano eyi ga hepa kurugana a sikise mo yitambo yoyinunu neyi yoyinene.

3.   Pandadeka murongwa goge kweyi ana kutura po marunduruko.

4. Wa hepa kudiva eyi yina kumukondera a dire kutura po ezokomeho ntani mu vatera a yi funde po.

1.    Lipura asi:

   • ‘Nsene murongwa gwange kapi ana kutura po marunduruko a gwane ekuho, yisinke yina kumukondera?’

   • ‘Yisinke nani rugana yipo ni mu vatere?’

2.   Hundira Jehova uradi yipo o vyukilire kutantera murongwa goge eyi ga hepa kurugana.

5. Nsene murongwa kapi ana kutura po marunduruko, hagekesa po elirongo.

1.    Mokudiva asi murongwa goge kuna kutura po marunduruko, lipura asi:

   • ‘Age kuna kutura pasirugana eyi ana kulironga ndi?’

   • ‘Age kuza komapongo nokutantera ko wopeke eyi ana kulironga ndi?’

   • ‘Nsene asi nare ga tameka kulironga, ana hara kukara Mbangi ndi?’

2.   Nsene murongwa kapi ana kutura po marunduruko:

   • Mu pura eyi yina kumukondera kutura po marunduruko.

   • Mu fatwilira monkedi zongwa eyi nomu hagekera kulironga.

   • Mu tantera eyi ga hepa kurugana nsene nga hara kulironga hena.