ສອນຄົນໃຫ້ເປັນລູກສິດ
ບົດທີ 12
ກ້າໃຫ້ຄຳແນະນຳ
ຫຼັກການ: “ຄືກັບນ້ຳມັນແລະເຄື່ອງຫອມທີ່ເຮັດໃຫ້ມີຄວາມສຸກ ໝູ່ທີ່ໃຫ້ຄຳແນະນຳຢ່າງຈິງໃຈກໍເປັນແບບນັ້ນແຫຼະ.”—ສພສ. 27:9
ສິ່ງທີ່ພະເຢຊູເຮັດ
1. ເບິ່ງ ວິດີໂອ ຫຼືອ່ານມາຣະໂກ 10:17-22. ແລ້ວຕອບຄຳຖາມຕໍ່ໄປນີ້:
ເຮົາໄດ້ບົດຮຽນຫຍັງຈາກພະເຢຊູ?
2. ເຮົາຕ້ອງສະແດງຄວາມຮັກ ແຕ່ເຮົາກໍຕ້ອງອະທິບາຍໃຫ້ຈະແຈ້ງວ່າຄົນທີ່ເຮົາສອນຈະເຮັດຫຍັງໄດ້ແດ່ເພື່ອລາວຈະໄດ້ໃກ້ຊິດກັບພະເຢໂຫວາຫຼາຍຂຶ້ນເລື້ອຍໆ.
ຮຽນແບບພະເຢຊູ
3. ຊ່ວຍຄົນທີ່ເຈົ້າສອນໃຫ້ຕັ້ງເປົ້າໝາຍແລະບັນລຸເປົ້າໝາຍ.
-
ກ. ໃຊ້ສ່ວນ “ສິ່ງທີ່ເຈົ້າເຮັດໄດ້” ໃນແຕ່ລະບົດຮຽນຂອງປຶ້ມຊີວິດທີ່ມີຄວາມສຸກຕະຫຼອດໄປ!
-
ຂ. ຊ່ວຍຄົນທີ່ເຈົ້າສອນໃຫ້ເຂົ້າໃຈສິ່ງທີ່ລາວຕ້ອງເຮັດເພື່ອບັນລຸເປົ້າໝາຍທັງໄລຍະສັ້ນແລະໄລຍະຍາວ.
-
ຄ. ຊົມເຊີຍຄົນທີ່ເຈົ້າສອນສະເໝີເມື່ອເຫັນຄວາມກ້າວໜ້າຂອງລາວ.
4. ເຈົ້າຕ້ອງຮູ້ວ່າອັນໃດຂັດຂວາງຄົນທີ່ເຈົ້າສອນບໍ່ໃຫ້ກ້າວໜ້າ ແລະຊ່ວຍລາວໃຫ້ເອົາຊະນະອຸປະສັກເຫຼົ່ານັ້ນ.
-
-
‘ຖ້າຄົນທີ່ຂ້ອຍສອນບໍ່ກ້າວໜ້າຈົນຮັບບັບເຕມາ ມີຫຍັງບໍທີ່ຂັດຂວາງລາວຢູ່?’
-
‘ຂ້ອຍຈະຊ່ວຍຫຍັງລາວໄດ້ແດ່?’
-
-
ຂ. ອະທິດຖານຂໍຄວາມກ້າທີ່ຈະເວົ້າຢ່າງກົງໄປກົງມາແລະເວົ້າດ້ວຍຄວາມຮັກວ່າຄົນທີ່ເຈົ້າສອນຕ້ອງເຮັດຫຍັງແດ່.
5. ເຊົາສອນຖ້າລາວບໍ່ກ້າວໜ້າ.
-
ກ. ເບິ່ງວ່າຄົນທີ່ເຈົ້າສອນກ້າວໜ້າບໍໂດຍຖາມໂຕເອງວ່າ:
-
‘ຄົນທີ່ຂ້ອຍສອນໄດ້ເອົາສິ່ງທີ່ລາວຮຽນໄປໃຊ້ບໍ?’
-
‘ລາວເຂົ້າຮ່ວມການປະຊຸມແລະບອກຄວາມຈິງກັບຄົນອື່ນບໍ?’
-
‘ຖ້າລາວຮຽນມາດົນແລ້ວ ລາວຢາກເປັນພະຍານພະເຢໂຫວາແທ້ໆບໍ?’
-
-
ຂ. ຖ້າຄົນທີ່ເຈົ້າສອນບໍ່ຢາກກ້າວໜ້າ:
-
ຖາມລາວເບິ່ງວ່າອັນໃດເຮັດໃຫ້ລາວບໍ່ກ້າວໜ້າ.
-
ອະທິບາຍດີໆວ່າເປັນຫຍັງເຈົ້າຈຶ່ງເຊົາສອນລາວ.
-
ບອກໃຫ້ລາວຮູ້ວ່າລາວຈະຕ້ອງເຮັດແນວໃດຖ້າລາວຢາກຈະຮຽນອີກເທື່ອໜຶ່ງ.
-
