Zanaaezize Jesu

Luitutañi ku Jesu?

2. Kuli lutuse baituti baluna kueza zwelopili ya kwa moya, lutokwa kuambolanga ni bona ka lilato kono isiñi ka kupata-pata.

 Mulikanyise Jesu

3. Mutuse baituti bamina kuitomela likonkwani ni kulipeta.

1.    Muitusise kalulo ya “Za Kueza” ye mwa tuto ni tuto ya buka ya Muikole Bupilo Kuya Kuile!

2.   Mutuse muituti wamina kuziba zatokwa kueza kuli apete likonkwani zaitomezi ka nako ya cwale ni mwakona kupetela likonkwani zeñwi kwapili.

3.   Mubabazange muituti wamina kabakala zwelopili yaeza.

4. Mulemuhe lika zepaleliswa muituti wamina kueza zwelopili mi mumutuse kutula butata bo.

1.    Muipuze kuli:

   • ‘Haiba muituti waka haezi zwelopili yeka mutusa kuli akolobezwe, ki lika mañi zemupaleliswa?’

   • ‘Nikona kumutusa cwañi?’

2.   Mulapele ku Mulimu kumukupa kuli amife bundume bwa kutaluseza muituti wamina fatokwa kusebeleza ka kusapata-pata kono ili ka lilato.

5. Mutuhele kuituta ni mutu haiba haezi zwelopili.

1.    Kuli muzibe haiba mutu yemuituta ni yena Bibele waeza zwelopili kamba kutokwa, muipuze lipuzo zelatelela:

   • ‘Kana muituti waka usweli wasebelisa zaituta?’

   • ‘Kana wafumanehanga kwa mikopano ya puteho ni kutaluseza babañwi zaituta?’

   • ‘Hamulaho wa kuituta ni yena ka nako yetelele, kana watabela kuba yomuñwi wa Lipaki za Jehova?’

2.   Haiba muituti wamina hatabeli kueza zwelopili:

   • Mumukupe kuli anahanisise zemupaleliswa kueza cwalo.

   • Mumutaluseze ka maseme libaka hamuatuzi kutuhela kuitutanga ni yena.

   • Mumutaluseze licinceho zatokwa kueza pili musika kalisa kale kuitutanga ni yena hape.