DIVUIJA BANTU BAYIDI
DILONGESHA 12
Dikima
Dîyi dia kulonda: “Mafuta ne musenga wa manananshi bidi bisankisha muoyo; nunku bulunda bushême budi bufumina ku lungenyi lufila ne muoyo mujima.”—Nsu. 27:9.
Tshivua Yezu muenze
1. Tangila FILME, anyi bala Mâko 10:17-22. Pashishe welangane meji a nkonko idi ilonda eyi:
Dilongesha
2. Mbimpe tuambile balongi betu malu patoke ne dinanga bua kubambuluisha bua baye kumpala mu nyuma.
Idikija Yezu
3. Ambuluisha mulongi adifundile bipatshila ne abikumbaje.
-
Muambuluisha ne kazubu ka “Tshipatshila” kadi mu dilongesha dionso dia mukanda wa Shala ne muoyo kashidi!
-
Ambuluisha mulongi bua amanye malu masunguluke a kuenza bua kukumbaja bipatshila bia mpindieu ne bia matuku ndambu kumpala.
-
Ikala umuela kalumbandi pa tshibidilu bua mudiye uya kumpala.
4. Manya malu adi apangisha mulongi bua kuya kumpala, umuambuluishe bua kuatshimuna.
-
-
‘Mulongi wanyi yeye kayi uya kumpala mutangile ku batismo, tshidi tshimupangisha ntshinyi?’
-
‘Ntshinyi tshindi mua kuenza bua kumuambuluisha?’
-
-
Lomba Nzambi dikima dia kuyikila ne mulongi bua tshidiye ne bua kuenza, umulejatshi patoke ne dinanga.
5. Imanyika dilonga ne badi kabayi baya kumpala.
-
Diela nkonko eyi bua kumanya bikala mulongi wa Bible udi uya kumpala:
-
‘Mulongi udi utumikila bidiye ulonga anyi?’
-
‘Utu ubuela mu bisangilu, uyisha bakuabu bulelela anyi?’
-
‘Bikalaye ni mmulonge mu bule bua tshipolo kampanda, dijinga diende ndia kulua ntemu wa Yehowa anyi?’
-
-
Mulongi wa Bible yeye kayi musue kuya kumpala:
-
Muambila akonkonone tshidi mua kuikala tshimupangisha bua kuya kumpala.
-
Mumvuija ne bukalanga tshiudi wimanyikila dilonga.
-
Muleja tshidiye ne bua kuenza bua kulubuluka kumpala kua wewe kubanga kulonga nende kabidi.
-
