Vyuma Alingile Yesu

Vyuma Muka Tunalinangula Kuli Yesu?

2. Twatela kuhanjika nazangi kaha nawa chakuzeneka kuhita mutenga hakukafwa vilongesa vyetu mangana vazovoloke kushipilitu.

 Londezezenunga Yesu

3. Kafwenu chilongesa chenu alitomene vyuma vyakushipilitu nakuvitesamo.

1.    Zachisenu chihanda chakwamba ngwavo, “Chuma watela kulinga” chamuchilongesa hichilongesa chamumukanda waLivwise Kuwaha Kuyoya Haya Myaka.

2.   Kafwenu chilongesa chenu atachikize vyuma navimukafwa atesemo vyuma mwalitomena kulinga hatando yayindende nahatando yayisuku.

3.   Sangejekenunga chilongesa chenu nge natesamo vyuma vimwe.

4. Mwatela kutachikiza vyuma vinahase kulingisa chilongesa chenu ahone kuzovoloka nakumukafwa avifungulule.

1.    Lihulisenu ngwenu:

   • ‘Vyuma muka vili nakulingisa chilongesa chami ahone kuzovoloka vamumbapachise?’

   • ‘Uno ngunahase kumukafwa ngachilihi?’

2.   Lombenu Yehova amikafwe mupwenga vakuhamuka kushimutwila nachilongesa chenu vyuma atela kulinga chakuzeneka kuhita mutenga.

5. Echenu kulinangula Mbimbiliya namutu uze keshi nakuzovolokako.

1.    Lihulisenu vihula vino mumone numba nge chilongesa chenu ali nakuzovoloka:

   • ‘Uno chilongesa chami ali nakukavangiza vyuma ali nakulinangula tahi?’

   • ‘Uno eji kuyanga kukukunguluka nakulwezako vakwavo muchano nalinangula tahi?

   • ‘Kachi nge munalinangula nenyi halwola lwalusuku, kutala ali nakusaka kupwa Chinjiho chaYehova tahi?’

2.   Kachi nge chilongesa chenu chaMbimbiliya keshi nakusaka kuzovolokako:

   • Muhulisenu amilweze ovyo vili nakumulingisa ahone kuzovoloka.

   • Mulwezenu mujila yalikoji ovyo munakusakila kwecha kulinangula nenyi.

   • Mulwezenu vyuma atela kuzachilaho shimbu kanda muputuke cheka kulinangula nenyi.