Isua Tih Dân

Isua Hnên Aṭangin Eng Nge Kan Zir?

2. Kan Bible zirpuite thlarau lama hmasâwn tûra kan ṭanpui hunah hmangaihna nei tak leh tlang taka thu kan hrilh a ngai a ni.

 Isua Entawn Rawh

3. I Bible zirpui chu thiltumte insiam a, hlen tûrin ṭanpui rawh.

1.    Chatuanin I Hlim Thei! tih lehkhabua zirlai tina awm “Tih tum rawh,” tih hmêlhmang chu hmang ang che.

2.   I Bible zirpui chu thiltum tênau leh thiltum lian thamte hlen thei tûra a tih ngaite hre thiam tûrin ṭanpui ang che.

3.   I Bible zirpui chu hma a sâwn apiangin fak ziah ang che.

4. A hmasâwnna dâltu thilte chu hriat tum la, chûngte chu hneh tûrin ṭanpui rawh.

1.    Heti hian inzâwt ang che:

   • ‘Ka Bible zirpui chu baptisma chang thei khawpin hma a sâwn lo a nih chuan, amah dâltu chu eng nge ni?’

   • ‘Eng ṭanpuina ṭangkai tak nge ka pêk theih ang?’

2.   I Bible zirpui ṭan lâk ngaihna laite chu tlang tak leh hmangaihna nei taka sawipui ngam tûrin huaisenna dîlin ṭawngṭai ang che.

5. Hmasâwnna nei lote chu zirpui chhunzawm tawh suh.

1.    I Bible zirpui chu hma a sâwn leh sâwn loh i hriat theih nân, heti hian inzâwt ang che:

   • ‘A thu zirte chu a nunpui em?’

   • ‘Kohhran inkhâwmahte telin, a thu hriatte chu mi dangte a hrilh em?’

   • ‘Hun engemaw chen in zir tawh hnuah, Jehova Thuhretu nih a duh em?’

2.   I Bible zirpuiin hmasâwn tumna a nei lo a nih chuan:

   • A hmasâwnna dâltu thilte chu ngaihtuah tûrin hrilh ang che.

   • I zirpui chhunzawm tawh loh chhan chu ngilnei takin hrilhfiah ang che.

   • Hma lam hunah zirna in chhunzawm leh hmain, hmasâwn a ngaihna laite chu hrilh ang che.