Aju bʼant tuʼn Jesús

¿Tiʼ xnaqʼtzbʼil jaku tzʼel qiʼn tiʼj Jesús?

2. Qa qaj tuʼn kyprogresarin xjal il tiʼj tuʼn t-xi qqʼamaʼn kye alkye chʼixpubʼil tuʼn tbʼant kyuʼn, pero tukʼil kʼujlabʼil.

 Kanoʼmila tiʼj Jesús

3. Tzʼonina tiʼj xjal in xnaqʼtzan tukʼila tuʼn tkubʼ tqʼoʼn jun tmeta ex tuʼn tjapun tuʼn.

1.    Jaku tzʼajbʼen recuadro «Bʼinchankuya jlu» tuʼna, aju tkuʼx toj uʼj Tzalaja tiʼj tanqʼibʼila.

2.   Tzʼonina tiʼj xjal tuʼn tel tnikʼ tiʼjju tuʼn tbʼant tuʼn tuʼn tjapun twi tmeta toj chʼin ambʼil ex toj nim ambʼil.

3.   Kukx qʼamanxa tbʼanel yol te xjal tuʼnju in nok tilil tuʼn tuʼn tjapun twi tmeta.

4. Tzʼelx tnikʼa tiʼj tiquʼn mintiʼ in japun twi t-ximbʼetz xjal ex tzʼonina tiʼj.

1.    Xjelinkuya jlu:

   • «Qa mintiʼ in kubʼ t-ximen xjal in xnaqʼtzan wukʼile tuʼn tbautisarin, ¿alkye jun tiʼ in kubʼ tzyunte?».

   • «¿Tiʼ jaku bʼant wuʼne tuʼn wonine tiʼj?».

2.   Qaninxa tipumala te Jehová tuʼntzun t-xi tqʼamaʼna te xjal toj tumel ex tukʼil kʼujlabʼil tiʼ il tiʼj tuʼn tbʼant tuʼn tuʼn tprogresarin.

5. Jaku kyaj ttzaqpiʼna tuʼn tqʼona xnaqʼtzbʼil te xjal qa mintiʼ in progresarin.

1.    Tuʼn tel tnikʼa tiʼj qa kukx kxel tqʼoʼna xnaqʼtzbʼil te xjal, xjelinkuya jlu:

   • «¿In kubʼpe tqʼoʼn xjal toj xnaqʼtzbʼil aju in nel tnikʼ tiʼj?».

   • «¿In xiʼpe kyoj chmabʼil ex in yolinpe tiʼjju o tzʼel tnikʼ tiʼj toj Tyol Dios kyukʼil txqantl?».

   • «Qa ya o tzikʼ nim ambʼil in xnaqʼtzan tiʼj Biblia, ¿in kubʼpe t-ximen tuʼn tok te testigo de Jehová?».

2.   Qa mintiʼ in kubʼ tyekʼin xjal qa taj tuʼn tprogresarin:

   • Tzʼonina tiʼj tuʼn tel tnikʼ tiʼj tiquʼn mintiʼ in progresarin.

   • Qʼamanxa te tukʼil tbʼanel yol tiquʼn ya mlay che xnaqʼtzane tukʼil.

   • Yolina tukʼil tiʼj alkye chʼixpubʼil il tiʼj tuʼn tbʼant tuʼn qa taj tuʼn t-xnaqʼtzan juntl maj toj ambʼil tzul.