Jokisʼin Jesús

Jméni xi bakóyaná jokisʼin Jesús

2. Machjén nga koakolee kjoatsjoacha je xi tibʼailee estudio tonga kʼoati machjén nga kʼoakʼuínkixilee jmeni xi tjínnele sʼin nga tosi tonda koa̱nchriantʼale Jeobá.

 Chjénngi choa̱le Jesús

3. Tisenkoai je xi tiʼmiyalai nga katamjénʼiole.

1.    Tichjain jñani tso “Kʼoatʼiain jebi” xi faʼaitʼa nga jngó jngó kjoaʼmiya xi tsʼe libro Koaan nda kuiyoaa.

2.   Tisenkoai je xi tibʼailai estudio nga skoe̱ jmeni xi tjínnele sʼin tsa jme xi mele kuichotjenngi, jolani xi tochoatse kuitjosonnile kʼoa xi ngisa tse nichxin koaikaole.

3.   Kjitʼa kʼoatʼinlai je xi tiʼmiyalai nga nda tísʼín nga tímjénʼiole.

4. Tsa tjínsa xi chale je xi tiʼmiyalai Biblia tikjaʼaitsjain jméni xi tíbʼéchjoale kʼoa tisenkoai.

1.    Tikjaʼaitsjain:

   • “Tsa kjesa síkjaʼaitsjenjin nga koaisʼenngindá, jméni xi tíbʼéchjoale”.

   • “Jósʼin koa̱n koasenkoa”.

2.   Tijélai Jeobá nga nʼiojin katamai nga kʼoakʼuínkixilai jmeni xi tjínnele sʼin, tonga ngasin nganda kʼoatʼinlai.

5. Ali tiʼmiyajinnilai tsa tsín mjénʼiole.

1.    Nga jchai tsa koa̱n tosi tonda kʼuínyalai, tikjaʼaitsjain:

   • “A sítjoson jmeni xi kjimajinle”.

   • “A fi kjoajtín kʼoa a bʼéyanajmíle chjota xi tʼatsʼe Niná”.

   • “Kʼiatsa jetse tíkotʼaya, a jemele nga testigole Jeobá koa̱n”.

2.   Kʼiatsa tsín tíbʼénele yaole:

   • Kʼoatʼinlai nga katasíkjaʼaitsjen jméni xi tíbʼéchjoale.

   • Ngasin nganda kʼoatʼinlai ánni nga tsín tikʼuínyanilai.

   • Kʼoatʼinkixilai jméni xi tjínnele sʼin tsa mele skótʼaya nga koa̱nskanni.