Iesu be Dahaka E Kara?

Iesu Ena amo Dahaka Ta Dibamu?

2. Eda stiuden ediai lalokau baita hahedinaraia, bona baita hadibadia namonamo idia be dahaka bae kara Iehova turana ai baela.

 Iesu Ba Tohotohoa

3. Emu stiuden ba durua tahua ḡaudia baine ato bona baine haḡuḡurudia.

1.    Mauri Ba Moalelaia Hanaihanai! bukana ena lesen ta ta ai ina kaha “Plen” ba ḡaukaralaia.

2.   Emu stiuden ba durua dahaka baine kara unu amo hari baine haḡuḡuru tahua ḡaudia bona gabeai baine haḡuḡuru tahua ḡaudia baine lalopararalaidia.

3.   Emu stiuden ese e haḡuḡuru ḡaudia dainai ba hanamoa.

4. Ba hetahu emu stiuden be dahaka ese e kouamu, bona ba durua unu baine hahanaidia.

1.    Sibomu ba henanadai:

   • ‘Bema egu stiuden na do se bapatiso, dahaka ese e kouamu?’

   • ‘Dahaka baina kara ia baina durua?’

2.   Iehova ba noia lalogoada baine henimu unu amo mai momokanimu ida bona lalokau dalanai emu stiuden ese baine kara ḡaudia na ia ida ba herevalai.

5. Bema stiuden na sensi haida se karamu, stadi na ba hadokoa.

1.    Bema o uramu ba diba emu Baibul stiuden e goadamu eiava lasi, sibomu ba henanadai:

   • ‘Egu stiuden ese e dibamu ḡaudia be e badinamu, eiava?’

   • ‘Kongrigeisin heboudia e laomu bona ma haida ediai hereva momokani e herevalaiamu, eiava?’

   • ‘Bema ia na de stadi daudau, ia be e uramu Iehova ena Witnes ta ai bainela, eiava?’

2.   Bema Baibul stiuden ta na se uramu e dibamu ḡaudia baine badina:

   • Ba nanadaia dahaka ese e kouamu.

   • Iena stadi bo hadokoamu badina ba herevalaia namonamo.

   • Ba hamaoroa ia be dahaka baine kara guna, gabeai ena stadi ma ba karaia lou.