WAAPANKA EETTHUCI
MWAHA 12
Ulipa nrima
Ikano: “Makhura ni ilumpani cikhanle citthu cintteeliha nrima, khampa upatthani womaana unkhumelela nlattu ntthu woovahiya ikano yooreera.”—Miru. 27:9.
Isiyani Yesu yaapankilyaawe?
1. Moone IVIDIYU awula nsome Markus 10:17-22.Mwamalihaka, mwaakhule ala makohwaala
Ntakihero na Yesu ninniitthuciha isiyani?
2. Wiira naakavihere ale anaasomiheehu Ibiiblya wuunuwa nhina mminepani, nihaana niwuulumanaka nithoonyeraka nifento, masi ciicammo woohaakhuwakhuwa.
Muntakihe Yesu
3. Munkavihere ntthu nonsomiheenyu Ibiiblya wiihelela mipika co mminepani ni wiirannyeeha itthu ilakenlyaawe.
-
Nvarele nteko mphantte uneera “Itthu yoohala upanka” umphwanyannyaa nhina ilivuru Mphwanye Utteeliya Uhimmala!
-
Munkavihere ntthu nonsomiheenyu Ibiiblya wiirannyeeha mipika cookati vakaani awula mwinci.
-
Nhihiyerere unttottopela ntthu nonsomiheenyu Ibiiblya eekurumicaka wuunuwa nhina mminepani.
4. Mmananihe ucuwela itthu inonrikarikihela wuunuwa nhina mminepani ni munkavihere utthema ayo marikarikwaayo.
-
-
‘Isiyani immwiiriha ntthu nonsomihaaka Ibiiblya uhirwaa uhoolo mpaka upattisiya?’
-
‘Isiyani inlamuliyaaka upanka wiira kinkavihere?’
-
-
Munlepele Yehova ulipa nrima ni uthoonyera nifento ukati unonhimeryeenyu itthu inlamuliyaawe upanka woohinkhuwakhuwa.
5. Nhiye waasomiha atthu ahinoonuwa mminepani.
-
Wiira ncuwele wakhala wiira ntthu nonsomiheenyu Ibiiblya nawuunuwa nhina mminepani awula mena, mwiikohe co:
-
‘Kiireke ntthu nonsomihaaka naweettela citthu cineetthucaawe?’
-
‘Uyo naarwaa umikutthaanoni ni naawuulumana ikhweeli co mbiiblyani akhunanawe?’
-
‘Uvira waya ukati mwinci asomaka Ibiiblya, kiireke wiira uyo naapheela ukhala Saahiti a Yehova?’
-
-
Wakhalaka wiira ntthu nonsomiheenyu Ibiiblya khanthoonyera wuunuwa nhina mminepani:
-
Munlepele wiira oopuwele itthu immwiiriha uhuunuwa nhina mminepani.
-
Munhimyeere munthoonyeraka unamaana kontha isiyani nyuuva mumpheeleenyu uhiya unsomiha.
-
Munhimyeere citthu uyo cinlamuliyaawe upanka apheelaka-tho uturuwela usoma Ibiiblya wahoolo.
-
