UKUPANGA AWASAMBI
ISAMBILILO 12
Muwasipa
Icisinka cisundo: “Amafuta ni vinuncile vikasecelesya, avino nu kusunda kwa kwe ciwuza ukwa kufuma pansi ya mwezo kwawa.” [NWT]—Imilu. 27:9.
Vino Yesu Wacisile
1. Tambani e VIDYO, nanti wazyani Marko 10:17-22. Apano mwasuke amawuzyo yano yakonkapo:
Avyani Vino Tukusambililako kwe Yesu?
2. Tuzipizile ukulanjizya ukuti twakunda awasambi, lelo tutazipizile ukuwapita mu mbali po tukuwanena vyo wangacita pa kuti wawe iviwuza vya kwe Yehova.
Mwakolanya Yesu
3. Mwakwavwa umusambi ukupanga ivyakucita na vino angavificilisya.
-
Mwawomvya vino vyawa mu luwali lwa kuti “Yelezya Ukucita wo-o” vino vikawa pe cila lisambililo mwi buku lya kuti Ungikala Amanda Pe!
-
Mwakwavwa umusambi ukumanya vino angacita pa kuficilisya vino wapanga ukucita pe yo-o impindi nga ni vya kunkolelo.
4. Muwamanya cino cikulenga umusambi atalunduluka, nu kumwavwa ukumanya vino angacimvya yoyo intazi.
-
-
‘Acani cino cikulenga umusambi atalunduluka ukufika ku lubatizyo?’
-
‘Avyani vino ningacita pa kuti imwavwe?’
-
-
Muwapepa kwe Yehova pa kuti amyavwe ukusipa pano mukumulondololela mu cikuku vino azipizile ukucipa pa kuti alunduluke.
5. Lekani ukusambilila nga cakuti umusambi asa kulunduluka.
-
Vimwi vino vingamyavwa ukumanya nga cakuti umusambi akulunduluka, akuyikolowozya amawuzyo ndi vino:
-
‘Uzye umusambi wane akawomvya vino akasambilila?’
-
‘Uzye akazanwa mukulongana nu kunenako wanji vino akusambilila?’
-
‘Uzye wo-o vino twasambilila nawe pa mpindi ntali, akalonda ukuwa Inte ya kwe Yehova?’
-
-
Nga cakuti umusambi asakulunduluka:
-
Munenani ukuti ayelenganyeko pe vimwi vino vikumulesya ukulunduluka.
-
Mu mucenjelo swinya mu cikuku mulondololelani umulandu wuno mukulecela ukusambilila namwe.
-
Mulondololelani vino azipizile ukucita nga akulonda mwize mutalike ukusambilila na swinya.
-
