Vati Yesu ua lingile

Vi tu Lilongesa Kuli Yesu

2. Tua tondeka ku handeka na cilemo vunoni ca ku hona kuongoloka linga tu kuase vandongesi vetu va kole mu lutsilielo.

 Kavenu Lungano lua Yesu

3. Kuasenu ndongesi yeni a lihakele vutumbe na ku vu puisamo.

1.    Puenu na ku pangesa mutamba “Lingenu Evi” mu nkala cilongesa ca mu livulu Yoyenu mu Ndzolela ku Miaka Yose!

2.   Kuaseni ndongesi yeni a nongonone nkala cinanga ca tondeka linga a puisemo vutumbe vua tonda ku puisamo vua mu ntsimbu ya indende na vua ku lutue.

3.   Puenu na ku sangala ndongesi yeni ku sua kumo ku viuma via na puisamo.

4. Puenu na ku nongonona vitanga vie ku tangula ndongesi yeni ku kola mu lutsilielo kaha na vati a hasa ku vi vula.

1.    Lihulenu nguenu:

   • ‘Vika vili na ku tangula ndongesi yange linga a kole mu lutsilielo na ku heta ku mbatizimu?’

   • ‘Vukuasi vuka mpundu nji hasa ku mu hana?’

2.   Vundilenu mu uane ku simpa linga mu mu kuase mu cilemo ca ku hona ku mu ongoloka linga a tantekeye via na pande ku linga.

5. Likeleni ku lilongesa na muntu ka tondo ku kola mu lutsilielo.

1.    Mu hasa ku nongonona nga ndongesi yenu ali na ku kola mu lutsilielo mu ku konka ha vihula vino:

   • ‘Vuno ndongesi yange ue ku pangesa viali na ku lilongesa ni?’

   • ‘Vuno ue ku kunguluka na ku lekako vakuavo vie ku lilongesa ni?’

   • ‘Mu nima ya ku lilongesa Mbimbiliya mu imo ntsimbu na muntu vuno ue ku muesa cizango ca ku pua umo ua Vakaleho va Yehova?’

2.   Nga ndongesi ua Mbimbiliya ka tondo ku kola mu lutsilielo:

   • Muihulenu linga a mi leke viuma vika vili na ku mu tanganesa.

   • Na liano mu lekenu omo lia vika mu likela kuendesa cilongesa ceni.

   • Mu lekeni viuma vika na pande ku linga mangana a ka kale na vukovelelo vua ku lilongesa naua Mbimbiliya ku lutue.