Tlen Jesús kichijki

¿Tlake techmachtia tlen Jesús kichijki?

2. Maske moneki tijnojnotsasej ika tlaiknelili katli tijmachtiaj, nojkia kinamiki xitlauak tikiljuisej tlake nojua moneki kichiuas uan kiampa kuali mouampojchijtias ika Jehová.

 Xijchiua kej Jesús

3. Xijpaleui ma mosentlali ipan se keski tlamantli uan xijpaleui ma kichiua.

1.   a. Xijtekiui nopa recuadro “Tlen uelis tijchiuas”, tlen uala ipan sejse tlamachtili tlen amatlajkuiloli Nochipa xiitsto.

2.  e. Xijpaleui ma kiita tlake nojua moneki kichiuas uan kiampa kiaxitis tlen mosentlalijtok nama uan teipa.

3.  i. Nochipa xikiljui tlauel kuali tlen kichiua pampa kipatlatia inemilis.

4. Kuali xikita tlake kitsakuilia nojua kuali tlaneltokatias uan xijpaleui.

1.   a. Ximotlatsintoki:

   • “Tlaj katli nijmachtia ayamo moatsonpoliuiltia, ¿tlake kitsakuilia?”.

   • “¿Kenijkatsa uelis nijpaleuis?”.

2.  e. Xikiljui Jehová ma mitspaleui amo timajmauis xitlauak tikiljuis katli tijmachtia, uan ika tlaiknelili, tlake nojua moneki kichiuas uan kiampa nojua kuali tlaneltokatias.

5. Ayokmo xijmachti tlaj amo kipatla inemilis.

1.   a. Moneki tijmatis tlaj nojua kinamiki tijmachtijtos. Yeka, ximotlatsintoki:

   • “¿Kichiua ipan inemilis tlen momachtia?”.

   • “¿Yaui kampa timosentiliaj uan kiniljuia sekinok tlen momachtia ipan Biblia?”.

   • “Tlaj ya uejkajtok momachtijtok, ¿kineki kitekipanos Jehová?”.

2.  e. Tlaj amo kichiua kampeka kipatlas kej monejnemiltia:

   • Xijpaleui ma kiita tlake tlamantli kitsakuilia.

   • Xikiljui ika tlaiknelili kenke ayokmo tijmachtis.

   • Xitlauak xikiljui tlake moneki kipatlas ipan inemilis tlaj teipa sampa kinekis momachtis.