WAAPAKA OOHUSERYA
YOOHUSERYA 12
Olipa Murima
Nlakiheryo: “Makhurwa ni sawunkhela sinnahakalaliha murima, Hiihaa ntoko onthamwene woosiva onaphacuwa moorweela wa ekano yeeparipari.”—Mas. 27:9, TNM.
Tiheeni Yesu Opankeiye?
1. Moone EXILEMA, naari mwaalakhanye Marku 10:17-22. Voocharela, mwaakhule makoho anacharela:
Tiheeni Nnahuseryaahu Orweela wa Yesu?
2. Wi naakhaviherye oohuserya ahu oya vahoolo mmakupa oomunepani, nnaphwanela waaleela yaawo echu anaphwanelaaya weera mmukhalelo woosivela ni wookwakwaleya.
Mmutakiherye Yesu
3. Mmukhaviherye oohuserya anyu otikitherya ni okhwaaniherya soolakelela.
-
Mpharihele ekaaxa eni: “Yoolakelela” enaphwanyeya mu mwaha ti mwaha wa liivuru a Mpuhe Okumi Okhala Wookhala!
-
Mmukhaviherye oohuserya anyu osuwela ichu taani onaphwaneleiye weera wi aakhwaniherye soolakelela seiyo iri ikhaani naari itokweene.
-
Ilukuluku soothene mmuthamaleleke oohuserya anyu wanthowa na oya vahoolo oneereiye.
4. Moone ichu seiyo inahaala omuhiiha oohuserya anyu oya vahoolo, nave mweererye omukhaviherya ovootha makacamiho yaawo.
-
-
‘Tiheeni enamuhiiha oohuserya aka oya vahoolo ni opatisiwa?’
-
‘Tiheeni kinaphwanelaaka weera wi kimukhaviherye?’
-
-
Mumveke Yehova wi oovaheeni olipa murima ni osivela vaavaa munalocaanyu ni oohuserya anyu, ni oloca mooluluwanya yeeyo owo onaphwaneleiye weera.
5. Mukwatelele yoohuserya ehinaya vahoolo.
-
Wi musuwele waakhanle wi yoohuserya anyu ya Piipiliya ennaya vahoolo, mwiikohe:
-
‘Apwanne oohuserya aka onnapharihela yeeyo onahuseryeiye?’
-
‘Apwanne onnaphiya mmithukumanoni ni waaleela akina vooloca sa eparipari?’
-
‘Mmanle omuhuserya Piipiliya elukuluku yammoori, apwanne onnooniherya wi onnachuna okhala Namoona a Yehova?’
-
-
Wakhala wi oohuserya hanooniherya eneneeryo yawi onnachuna oya vahoolo:
-
Mumveke oohuserya anyu wi uupuwelele tiheeni enamuhiiha oya vahoolo.
-
Mmuleele oohuserya anyu mooreera murima, ntakhara heeni munakwatelelaanyu yoohuserya.
-
Mmuleele ichu taani onaphwaneleiye opaka wakhala wi onahaala ochuna ohuserya wanaawiili muhoolo.
-
