XTEMACHTI
TLAMACHTIJLI 12
Xmelajkatlajto
Tlen Biblia kijtoua: “Ijkon ken sen ajuiyalistli yejuan patioj kiyolpaktia yakaj, no ijki kipaktia ialmatsin ijkuak itlajsojkaikniuan kimakaj kualtsin tetlakanonotsalistli” (Prov. 27:9).
Tlen okichiuj Jesús
1. Xkita VIDEO noso xkamapoua Marcos 10:17-22. Tla ijkon yotikchiuj, aman xkinnankili yejuin:
¿Tlenon tiuelij itech ken Jesús okichiuj?
2. Tla tiknekij ika akin tikinmachtiaj makitekichiuilikan Jehová, noneki tikimititiskej ika tikintlasojtlaj, san ika, noijki noneki toyolchikauaskej tikimijliskej tlen xkuajli kichiuaj.
Xchiua ken Jesús
3. Xpaleui akin tikmachtia makinemili tlenon kichiuas niman xpaleui makinchiua.
-
Xtekitilti recuadro “Xchiua yejuin” tlen uajlauj ipan amatlajkuilojli ¡Nochipa uelis tiyolpakis!
-
Xpaleui monomachtijkauj makita tlen noneki niman ijkon kichiuas tlen yokinemili.
-
Ijkuak nokojtilis kichiuas tlen yokinemili, xkijli ika melak kuajli tlen kichiujtika.
4. Xkita tlenon kiteltia akin tikmachtia makichiua tlen ueltiuj niman xpaleui.
-
-
“Tla akin nikmachtijtika xueli noapolaktia, ¿tlenon kiteltia?”.
-
“¿Tlenon uelis nikchiuas para nikpaleuis?”.
-
-
Xtlajtlanili Jehová mamitsyolchikaua niman ijkon tikijlis ika tlasojtlalistli akin tikmachtia tlenon noneki kichiuas.
5. Tla tikita ika xkichiua tlen ueltiuj, maka sa xmachti.
-
Tla tikneki tikmatis tla tijkajkauas ika tikmachtis, xmotlajtolti yejuin:
-
“¿Kiyejyekoua kichiuas tlen ueltiuj?”.
-
“¿Yauj tlanechikoltin niman kimijlia oksekimej tlen youel?”.
-
“Tla youejkauj ika nomachtia Biblia, ¿kinektika nochiuas iteixpantijkauj Jehová?”.
-
-
Tla tikita ika akin tikmachtijtika xkichiua tlen ueltiuj:
-
Xpaleui makita tlenon kitsakuilia.
-
San kualtsin xkijli tleka xok tikmachtis Biblia.
-
Kuajli xmelajkaijli tlenon noneki kichiuas tla kineki oksejpa nomachtis Biblia.
-
