UKWENZA ABAFUNDI
ISIFUNDO 12
Isibindi
Ikambisolawulo: “Amafutha nepepho kuthabisa ihliziyo, kunjalo nangobungani obuvela eselulekweni esithembekileko.”—IzA. 27:9.
Lokho UJesu Akwenzako
1. Bukela IVIDIYO, namkha ufunde uMarkosi 10:17-22. Ngemva kwalokho uphendule imibuzo elandelako:
Khuyini Esiyifunda KuJesu?
2. Kufuze sibe nethando kodwana kutlhogeka sihlathulule kuhle emuntwini esimfundelako lokho ekufuze akwenze nakazakuragela phambili akhula ebuhlotjeni bakhe noJehova.
Lingisa UJesu
3. Siza umuntu ofunda naye azibekele iminqopho bekayifikelele.
-
Sebenzisa ingcenye ethi, “Lokho Ongakwenza” efumaneka esifundweni ngasinye sencwadi ethi, Thabela Ukuphila Ngokungapheliko!
-
Siza umuntu ofunda naye azwisise lokho ekufuze akwenze ukuthi afikelele iminqopho yesikhathi esifitjhani neminqopho yesikhathi eside.
4. Kufuze wazi ukuthi khuyini eyenza umuntu ofunda naye angathuthuki bewumsize akghone ukuyihlula.
-
-
‘Nange umuntu engifunda naye angathuthukeli ekubhabhadisweni khuyini emvimbako?’
-
‘Khuyini engingayenza ukuthi ngimsize?’
-
-
Thandazela isibindi sokuthi umtjele ngokunqophileko nangethando lokho ekufuze akwenze.
5. Lisa ukufunda nomuntu ongathuthukiko.
-
Hlolisisa ukuthi isifundo sakho siyathuthuka na ngokuzibuza ukuthi:
-
‘Kghani umuntu engifunda naye uyakusebenzisa lokho akufundako?’
-
‘Kghani uyeza esifundweni bekacoce nabanye ngeendaba ezimnandi?’
-
‘Nangabe sele kusikhathi afunda, kghani uzimisele ukuba ngomunye waboFakazi bakaJehova?’
-
-
Nange umuntu ofunda naye iBhayibheli angathuthuki:
-
Mbuze bona ucabanga ukuthi yini emvimbako.
-
Ngomusa mhlathululele ukuthi kubayini ulisa ukufunda naye.
-
Mhlathululele ukuthi ngiyiphi ituthuko ekufuze ayenze nanizakuraga nesifundo.
-
