OKUHINDURA ABANTU ABEEGI
EISHOMO 12
Obumanzi
Omusingye: ‘Nk’oku amajuta g’omugaju garikushemeza omutima, nikwo n’omuntu arikunurirwa enaama za mugyenzi we [ezirikuruga omu mutima gw’amazima].’—Enf. 27:9.
Eki Yesu Yaakozire
1. Reeba VIDIYO, nari shoma Mako 10:17-22. Bwanyima oyetegyereze ebibuuzo ebirikukurataho:
Nitwegyera ki Ahari Yesu?
2. Twine kugambira abeegi omu muringo gwa rukundo kwonka ogwa butunu, kubahwera kutunguuka omu by’omwoyo.
Tooreza Yesu
3. Hwera omwegi kutaho ebigyendererwa n’okubihikaho.
-
Koresa “Ekigyendererwa” ekiri omu buri ishomo omu kitabo Yesiimire Amagara Ebiro Byona!
-
Hwera omwegi kumanya eki aine kukora kubaasa kuhika aha bigyendererwa eby’obwire bugufu n’eby’obwire buraingwa.
4. Manya ebirikuremesa omwegi kutunguuka, kandi omuhwere kubisingura.
-
-
‘Ou ndikwegyesa ku araabe atarikutunguuka kuhika aha kubatizibwa, niki ekirikumuremesa?’
-
‘Nimbaasa kumuhwera nta?’
-
-
Shaba obumanzi bw’okugaaniira n’omwegi omu muringo gwa butunu kandi ogwa rukundo.
5. Rekyera aho kwegyesa abatarikutunguuka.
-
Manya yaaba omwegi wa Baibuli naatunguuka orikwebuuza oti:
-
‘Naagyendera aha bi arikwega?’
-
‘Naaza omu nteerane z’ekibiina, kandi abuurira abandi amazima?’
-
‘Bwanyima y’okumwegyesa kumara obwire, naayenda kuba omwe aha Bajurizi ba Yehova?’
-
-
Omwegi wa Baibuli yaaba atarikwenda kutunguuka:
-
Mubuuze ekirikubaasa kuba nikimuremesa.
-
Omu muringo gw’obwengye mushoboororere ahabw’enki oine kurekyera aho kumwegyesa.
-
Mumanyise empinduka ezi aine kukora otakagarukiremu kumwegyesa.
-
